Qeveria e Boris Johnson akuzohet për 'neglizhencë me dashje', ndërsa rastet me COVID- 19 po rriten

MBRETËRI E BASHKUAR-Sindikata e mjekëve britanikë ka akuzuar qeverinë e Boris Johnson se është "neglizhent me dashje" në trajtimin e valës së fundit të pandemisë COVID-19, pasi ministrat refuzojnë të vendosin masa zbutëse pavarësisht rritjes së niveleve të infeksionit dhe presionit në rritje në spitale. Mbretëria e Bashkuar ka regjistruar gati 50,000 raste të reja ditore me  COVID-19, duke tejkaluar shumë situatën në shumicën e Evropës.

Shkalla e shtrimeve në spital dhe vdekjeve gjithashtu nuk ka arritur të bjerë ndjeshëm që nga vera, kur vendi hoqi pothuajse të gjitha kufizimet e mbetura. Por qeveria ka përjashtuar mundësinë e ndryshimit të qasjes së saj, e cila do të shihte futjen e pasaportave dhe mandateve të vaksinave në përputhje me shumë vende evropiane.

"Qeveria ka hequr “këmbën nga frenat”, duke dhënë përshtypjen se pandemia është pas nesh dhe se jeta është kthyer në normalitet," bëri me dije Shoqata Mjekësore Britanike  në një ndërhyrje ditën e sotme.

LEXO EDHE:
Dyshohet se u vetëvar brenda qendrës së emigracionit në Britani, familjarët e shqiptarit ende pa përgjigje për rrethanat e vdekjes

Nga ana tjetër  kjo shikohet si neglizhencë e vullnetshme e Qeverisë së  Westminster që të mos ndërmarrë ndonjë veprim të mëtejshëm për të zvogëluar përhapjen e infeksionit.

 “Mbajtja e detyrueshme e maskave, distancimi fizik dhe kërkesat e ventilimit në mjedise me rrezik të lartë, veçanërisht hapësirat e mbushura me njerëz," tha ajo.

K.T./Shqiptarja.com

TAG:
• Britani e Madhe
• Boris Johnson
• Koronavirus