POP 5

Lajmet më të lexuara të 5 minutave të fundit

Sport

Qeveria jep 'ok-un' përfundimtar, nga nesër çdo klub i Seria A mund të nisë stërvitjen individuale

Ministri i brendshëm italian ka dhënë sot driten jeshile për rifillimin e Seria A. Nga nesër të gjithë klubet do të mund të nisin stërvitjen individuale, ndërsa me datë 17 do të vendoset për stërvitjen në grup si dhe rinisjen e ndeshjeve.

Pas shumë e shumë peripecive drita jeshile për rfillimin e Seria A u ndez sot. Ministri i Brendshëm i Italisë konfirmoi se çdo qytetar apo sportistë mund të nisë aktivitetin në mënyrë personale, duke respektuar distancat e sigurisë.

Konkretisht ministri u shpreh: “Duke filluar nga e hëna me katër maj, çdo sportistë apo qytetar do të lejohet të marrë pjesë në aktivitet sportive individuale, në zonë publike dhe private, duke respektuar distancën e sigurisë fizike, të paktën dy metra larg një personi tjetër.”

Si rrjedhojë kush mundet do të nisë që nesër stërvitjen individuale. Më herët këtë e ka deklaruar Sassuolo, që në dispozicion të futbollistëve ka vendosur qendrën stërvitore. Ndërkohë të martën do të nisë stërvitjen Bologna, ndërsa gjatë javës të njëjtën gjë do të bëjë edhe Parma.

Të tre këto klube këtë vendim e kishin marë më herët si pasojë e lejes së veçantë të rajonit ku ndodhen, por me të rejat e fundit pritet që brenda javës së ardhshme çdo klubi Seria A të nisë stërvitjen individuale, e cila do të zgjasë deri më 17 maj.

Më pas do të jenë autoritet ata që do të vendosin nëse pas kësaj date do të lejohet stërvitja në grup, gjithmonë në bazë të protokollit të jashtëzakonshëm shëndetësor.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23