Qeveria miraton amnistinë penale, Lamallari: Lirohen 447 të burgosur, ulje dënimi për 853 të tjerë! Nuk përfitojnë subjektet e SPAK dhe GJKKO

Mbi 20 mijë qytetarë, të dënuar apo në proces hetimi e gjykimi, pritet të përfitojnë nga amnistia penale, që qeveria e miratoi në mbledhjes e kësaj të premteje. Nga drafti i miratuar në ekzekutiv, pritet të lirohen menjëherë 447 të burgosur të dënuar me vendim të formës së prerë, sipas kritereve që Report Tv më herët ka raportuar.

“Nga të dhënat më të fundit të rakorduara me Drejtorinë e Përgjithshme të Burgjeve, Shërbimin e Provës si dhe Prokurorinë e Përgjithshme, rezulton se plot 447 persona përfitojnë lirim të menjëhershëm dhe 853 të tjerë ulje dënimi, ndërkohë nga Shërbimi i Provës amnistohen 5077 të dënuar me masa alternative. Për më tepër, duke filluar nga viti 2024 pushohet ndjekja penale për plot 14 mijë procedime për vepra të lehta. Përveçse një akt i qartë human dhe një mundësi e dytë për rehabilitim dhe ri-integrim, ky është një hap konkret që ul presionin e popullimit të burgjeve dhe për të fokusuar drejtësinë aty ku rreziku shoqëror është real. Nuk bëhet fjalë për tolerancë ndaj krimit, por për një qasje të matur që synon riintegimin dhe përdorimin më efikas të drejtësisë penale teksa ne po punojmë për të ulur përdorimin e panevojshëm të paraburgimit, në përputhje me shqetësimet e drejta të ngritura nga Këshilli i Evropës si dhe standardet evropiane”, shprehet ministri Lamallari.

853 të dënuar të tjerë që përjashton nga falja totale e dënimit prej kategorisë së veprës penale do të përfitojnë ulje dënimi, me 1 vit për burrat dhe 1 vit e gjysmë për gratë dhe të miturit. Përveç 447 të burgosurve që do të lenë qelitë, falje nga dënimi do të përfitojnë edhe  menjëherë, 5077 të dënuar me masa alternative në Shërbimin e Provës.

Për më tepër, do të pushohet ndjekja penale për plot 14 mijë procedime për vepra të lehta, të kryera deri në 31 dhjetor 2025, për të cilat parashikohet dënim deri në 3 vjet burg, me përjashtim të krimeve që janë te kriteret ndaluese.

Ministri i Drejtësisë Lamallari e quajti një akt human dhe një mundësi e dytë për rehabilitim dhe ri-integrim, me qëllim kryesor uljen e mbipopullimit në burgje.

“Nuk bëhet fjalë për tolerancë ndaj krimit, por për një qasje të matur që synon riintegimin dhe përdorimin më efikas të drejtësisë penale teksa ne po punojmë për të ulur përdorimin e panevojshëm të paraburgimit, në përputhje me shqetësimet e drejta të ngritura nga Këshilli i Evropës si dhe standardet evropiane”

Teksa i bën thirrje Kuvendit ta miratojë sa më parë, Ministri i Drejtësisë e thekson faktin se nga kjo amnisti nuk përfiton asnjë subjekt i Prokurorisë dhe Gjykatës së Posaçme për Korrupsionit dhe Krimit e Organizuar.

“Objektivi ynë ambicioz është të kemi një sistem që di të ndëshkojë fort kur duhet, por edhe të japë një shans për t’u rikthyer në shoqëri. Drejtësia nuk është vetëm ndëshkim, por edhe një mundësi e dytë e drejtuar nga humanizmi dhe rehabilitimi.  Falënderoj të gjitha institucionet që kontribuuan në këtë proces dhe pres që Parlamenti ta shqyrtojë projektligjin sa më parë, në mënyrë që efektet pozitive të amnistisë të ndihen nga mijëra familje shqiptare”, deklaron Ministri i Drejtësisë, Besfort Lamallari. Nga kjo amnisi nuk përfitojnë subjektet e Prokurorisë dhe Gjykatës së Posacme për Korrupsionit dhe Krimit e Organizuar.", shtoi ai.

Projektligji i amnistisë do të depozitohet në Kuvend, ku do të nisë shqyrtimin në komisione. Miratimi kërkon 84 vota.

 

 

Kliko këtu për të lexuar dokumentin e plotë