Qeveria ka miratuar skemën kombëtare për mbështetjen e fermerëve. Ministrja e Bujqësisë Anila Denaj tha se do të mbështeten 8 kategori fermerësh, me synim që të arrihet në rreth 70 mijë përfitues.
“Regjistrimi me nipt fermeri është kusht. Sot janë 97 000 fermerë të regjistruar me nipt, nëse llogarisim 70 000 përfitues atëherë i bie që janë 77% e fermerëve të jenë përfitues nga skema kombëtare për bujqësinë. Në këto 11 vite kemi patur formalizim të bujqësisë. Në 2013 kemi patur 4 000 nipte fermerësh, sot kemi 97 000. Kjo skemë nuk nxit formalizimin, por prodhimin, pasi kjo skemë mbështet prodhimin”, tha Denaj.
Ministrja listoi kategoritë që do të përfitojnë ku risi e kësaj skeme do të jetë mbështetja edhe e sektorit të bimëve aromatike si dhe nuk do të ketë më një tavan për numrin maksimal të bagëtive që subvencionohet nga shteti.
“Mbështetja e bagëtive të imta me 1200 lekë për krerë për tufa mbi 100 krerë për fermë. Mbështetje për bletarinë në vlerën 1 mijë lekë për zgjua, ku ferma duhet të ketë të paktën 50 zgjoje. Mbështetje për perimet, luleshtrydhen, rrushin tavolinë dhe sera me një vlerë 200 mijë lekë për hektarë por jo më shumë se dy sezone. Kemi një produkt të ri, bimët mjekësore do të mbështetet 30 mijë lekë për hektarë, por jo më pak se 1 hektarë”, tha Denaj.
Edhe në këtë skemë është e parashikuar dhënia e naftës pa taksa për fermerët, me të njëjtat kritere si më parë, por ministrja sqaroi se si do të shpërndahet fondi.
“Nuk do të vijojë ndarja e naftës me karta, por me lekë në llogari, dhe për këtë jemi duke punuar që të kemi një mbështetje nga sektori bankar që të mundësojmë llogari me kosto të reduktuar për ata fermerë që janë përfitues të naftës”, tha Denaj.
Edhe fermerët si në bujqësi ashtu edhe në blegtori nëse nuk arrijnë kriterin e numrit të tufës që duhet të kenë për të përfituar, apo nëse nuk kanë tokë mbi 1 hektar mund të bashkohen dhe të përfitojnë nga skema kombëtare.
Aplikimet pritet të hapen më 27 Mars, pas miratimit të udhëzimit nga Ministria e Bujqësisë i cili specifikon në mënyrë konkrete kriteret e përfitimit për fermerët.
Lajme të tjera
-
Kur do të zhbllokohen fondet e IPARD? Përgjigjet ministrja Denaj: Po plotësojmë kërkesat, pas korrikut 2025 do dërgojmë dokumentet për aplikim
13 Nëntor, 16:59 -
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Komisioni i Ekonomisë/ Denaj për buxhetin 2025: Rrisim mbështetjen me subvencione të skemës për produktet, 4% më shumë buxhet nga viti i kaluar
13 Nëntor, 14:51 -
Denaj prezanton pr.buxhetin 2025: 15 miliardë lekë për bujqësinë dhe zhvillimin rural! Lançojmë skemën e Garancisë Sovrane në 2025
11 Nëntor, 12:32 -
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Decentralizimi i shërbimeve bujqësore-Denaj: Marrëveshja me 4 bashki një shërbim dhe vendimmarrje më e mirë
22 Tetor, 15:10 -
Vlorë/ Ministrja Denaj prezanton Skemën Kombëtare të Investimeve në Bujqësi
21 Tetor, 17:05 -
Orban: Javën e ardhshme në Luksemburg Shqipëria hap negociatat për grup kapitullin e parë, ju përgëzoj! Rama: Hungaria, model për ne! 350 milionë euro investime
11 Tetor, 14:18 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21
