/ATSH-AFP/ - Qindra persona kujtuan sot në Nikozi, kryeqytetin qipriot, 100-vjetorin e masakrës së armenëve nën Perandorinë osmane.
Rreth 800 persona parakaluan deri në katedralen armene, ku ishin mbledhur për një ceremoni përkujtimore në Memorialin e viktimave.
Qipro, ku anëtarët e minoritetit armen në pjesën më të madhe janë pasardhës të të mbijetuarve të këtyre masakrave, votoi në fillim të muajit prill një ligj që penalizon mohimin e asaj që vendi e quan "gjenocid".
Armenët vlerësojnë se një milionë e gjysmë prej tyre janë vrarë në vitet 1915 dhe 1917, gjatë viteve të fundit të Perandorisë osmane dhe 20 vende kanë njohur se bëhet fjalë për një gjenocid.