POP 5

Lajmet më të lexuara të 5 minutave të fundit

Sociale

Qindra zogj ekspozohen në festivalin e Korçës, organizatorët: Synimi të rrisim ndërgjegjësimin për kujdesin dhe dashurinë ndaj tyre

700 zogj u ekspozuan në Korçë gjatë edicionit të 4 të festivalit të zogjve. Pjesa më e madhe e tyre të sjellë nga Italia, të tjerë nga Kosova dhe Shqipëria por edhe kanarinat e Korçës u vendosën tek qyteza e fëmijëve me synimin për të rritur ndërgjegjësimin për kujdesin dhe dashurinë ndaj zogjve.

Për herë të parë më shumë se 700 zogj në juglindje të vendit. Vepër e federatës së Ornitologëve. 80% e tyre vijnë nga Italia e Kosova për festivalin e zogjve në Korçë.

"Ishin përgatitur për më pak zogj, por vazhdojnë edhe vijnë. Është një befasi dhe për ne sepse deri më tani shkon deri në 700 numri i zgjove, mbi 80 raca të ekspozuara", thotë Eduard Cara, organizator i eventit.

Këngët e tyre por edhe ngjyrat e bukura e tipare te tjera që i bëjnë aq të veçantë thyen heshtjen e sallës dhe tërhoqën jo pak vëmendje. Organizatorët e shikojnë këtë event si një mundësi për të afruar më shumë njerëzit në kujdesin ndaj shpendëve .

"Synojmë edhe sensibilizimin e mësuesve, edukatorëve, prindërve për të rritur këtë dashuri ndaj natyrës. Motivi ynë është të ringjallim një nga festat e vjetra të fëmijërisë sonë që ka të bëjë me festën e zogjve", shton Cara.

Qyteti juglindor ndër vite ka qenë i njohur për kanarinat dhe mbajtjen e tyre në shtëpi

Por kjo ditë  nxiti prindërit të çojnë fëmijët të njihen më nga afër me llojet e ndryshme të zogjve

Qyteti ndër vite ka qenë i njohur për kanarinat dhe mbajtjen e tyre në shtëpi madje aq e kultivuar ka qenë kjo traditë sa një lloj kanarine njihet si kanarinat e Korçës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ciu: 15/11/2021 05:55

    Duke i mbajt ne kafaz nuk quhet perkujdesje.

    Përgjigju
  • Iris: 15/11/2021 00:12

    Edhe une kam dy parakeets.I bleva per 30$ secilin ne nje Petco lokale.Njeri eshte blu me te bardhe e gri si qiell,tjetri eshte i gjelber me te verdhe e pak ngjyre gun metal ne krahe.Jane shume te bukur.Kafazin ua kam mbushur me pasqyra,zile,kambana te vogla e lodra te tjera sepse i kane shume qejf xhinglat,kane dhe nje vaske te vogel ku lahen.Ushqime kane fara te ndryshme si dhe barishte e fruta,karrota,miser te pjekur,sallate si dhe nje lloj fare qe e pelqejne te gjithe zogjte qe quhet millet.Gjithashtu ne uje u hedh me pika nje multivitamine.Cdo dite i le te lire te fluturojne neper shtepi dhe hyjne e dalin nga kafazi si te duan.I kam mesuar te hane edhe ne dore dhe mbi te gjitha kane mesuar te me puthin ne buze,megjithese nuk rekomandohet,por jane te vaksinuar.Kendojne,por jo si kanarinat,por eshte kenaqesi t'i kesh ne shtepi dhe mirembajtja e tyre ne total, nuk eshte aq e kushtueshme sa e maceve dhe qenve.

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54