Receta

Qingj frikase me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 6 Mars, 11:46 | Përditesimi: 6 Mars, 11:52

Qengj frikase me perime

Përbërësit:

500 gr mish
2 lgj gjalpë
2-3 qepë të vogla
2-3 karrota
1 selino
2-3 patate të vogla
2 lgj miell
2-3 fç qumësht
1 kokërr vezë
1 kokërr limon
1 tufë kopër
Kripë, piper

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Mishin e qengjit e presim në thela dhe e kaurdisim me pak gjalpë. Më pas shtojmë ujë të nxehtë derisa të mbulohet mishi, hedhim piper kokërr, kripë dhe e lëmë të ziejë në zjarr tể ngadaltë. Në gjysmën e zierjes së mishit hedhim qepë tể vogla ose të bardhat e qepëve të njoma, karotat të prera në kubikë, selinon dhe pak patate të prera në kubikë. Në fund shtojmë pak kopër dhe e lëmë gjellën të ziejë në zjarr të ngadaltë derisa mishi dhe perimet të jenë gati. Në një tenxhere me gjalpë kaurdisim pak miell, por jo të skuqet. E heqim nga zjarri dhe pasi ftohet hedhim qumështin e vakët, e përziejmë, pastaj shtojmë lëngun e mishit, e vendosim në zjarr dhe duke e përzier e lëmë derisa të trashet. E lëmë të ziejë 2-3 minuta, e heqim nga zjarri dhe shtojmë të verdhën e vezës, lëng limoni ose limontoz. E hedhim salcën në tenxheren me mish e perime, e lëmë pak minuta të lidhet dhe në fund e spërkatim me kopër e piper të zi.

MC/Shqiptarja.com

TAG: