Receta

Qofte me bukë dhe erëza, pa kosto fare dhe fantastike në shije nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 30 Dhjetor 2024, 11:48 | Përditesimi: 30 Dhjetor 2024, 11:49

Qofte me bukë dhe erëza

Përbërësit:

300 gr bukë (të thatë ose të zakonshme)
1 gotë qumësht /ujë
2 kokrra vezë
2-3 thelpinj hudhër
50 gr djathë të grirë
2 lugë gjelle majdanoz
Kripë, piper i zi
Erëza të ndryshme

Përgatitja:

LEXO EDHE:
Shporta brumi të mbushura me mish viçi dhe perime nga zonja Albana

Presim bukën në copa dhe e lëmë të zbutet në qumësht ose ujë për 10 minuta. Shtrydhim bukën mirë dhe e vendosim në një tas. Shtojmë vezët, hudhrën, djathin, majdanozin, kripën, piperin dhe miks erëzash. I përziejmë mirë dhe shtojmë thërrime buke, derisa masa të bëhet e butë por e qëndrueshme për formësim. Formojmë qoftet me duar, duke i bërë të rrumbullakta ose pak të sheshta sipas preferencës. Ngrohim vajin në një tigan, skuqim qoftet derisa të marrin ngjyrë të artë nga të dyja anët dhe i servirim menjëherë të ngrohta.

MC/Shqiptarja.com

TAG: