Receta

Qofte me lëng nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 23 Janar 2023, 13:27 | Përditesimi: 23 Janar 2023, 13:29

Qofte me lëng

Përbërësit:

250 gr mish i grirë viçi
1 kokërr qepë
2 karrota
1 vezë
2 thelpinj hudhër
2 lgj salcë domate
1 lgj uthull rrushi
1 lgj miell
1 fç qumësht
1 tufë majdanoz
1-2 feta bukë
Vaj bimor
Kripë, piper

Përgatitja:

LEXO EDHE:
Mesnik me mish pule nga zonja Albana

Mishin e grirë e bashkojmë me qepën e grirë imët, hudhrën e shtypur, bukën e lagur në qumësht, majdanozin e grirë, kripën, piperin dhe vezën. E punojmë mirë brumin e qofteve dhe e lemë të pushojë mbështjellë me një membranë kuzhine.

Në një tigan vendosim pak vaj bimor dhe skuqim qoftet në nxehtësi mesatare. Paralelisht në një tigan tjetër kaurdisim pak miell, shtojmë hudhrat e shtypura, karrotën, salcën e domates, uthullën, kripën dhe piperin. E lemë salcën të marrë valë dhe të lidhet dhe më pas vendosim qoftet. Rregullojmë shijen me bimë aromatike dhe e lemë gatimin dhe për disa minuta në zjarr.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com