Receta

Qofte me polenta nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 20 Janar 2023, 11:33 | Përditesimi: 20 Janar 2023, 11:34

Qofte me polenta

Përbërësit:

225 gr polenta (miell misri i verdhë)
700 ml qumësht
125 gr djathë taleggio
2 qepë të kuqe
Vaj ulliri
Fara susami
Rozmarinë
Majdanoz
Kripë, piper

Përgatitja:

LEXO EDHE:
Supë brokoli me patate nga zonja Albana

Fillimisht kaurdisim qepën e kuqe të grirë imët, ndihmojmë zutjen e qepës me pak kripë dhe pasi qepa është kaurdisur plotësisht shtojmë pak majdanoz dhe rozmarinë të thatë ose të njomë.

Në një tenxhere vendosim qumështin me pak kripë dhe e ngrohim aq sa ta durojë gishti i dorës. Më pas shtojmë gradualisht duke e trazuar miellin e misrit. Pasi polenta është trashur shtojmë qepën e kaurdisur dhe djathin e prerë në kubikë të vegjël. E trazojmë mirë dhe e lemë të ftohet. Lagim duart me pak ujë dhe realizojmë me polentën qofte të vogla rrumbullake të cilat i servirim duke i kaluar më parë në fara susami. Sipas dëshirës mund të bëjmë disa qofte me susam dhe disa të tjera me fara ose bimë të tjera aromatike të thara apo grira.

MC/Shqiptarja.com

TAG: