Receta

Qofte me presh dhe nenexhik nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 29 Nëntor 2022, 10:47 | Përditesimi: 29 Nëntor 2022, 10:48

Qofte me presh dhe nenexhik
Përbërësit:

500 gr presh
2 bishta qepësh
1 lgj vaj ulliri
1 lgj gjalpë
1 tufë nenexhik
2 kokrra vezë
2 gota miell misri
1 gotë kos
1 gotë ujë
1 majë luge sodë
4 lgj djathë i grirë
Pak kopër
Kripë, piper i zi, piper i kuq

Përgatitja:
Vendosim preshin e grirë imët të kaurdiset së bashku me bishtat e qepëve të njoma. Shtojmë pak kripë dhe e lemë të zbutet mirë me kapak mbuluar. Më pas e vendosim preshin në një tas ku shtojmë miellin e misrit, sodën e bukës, kripën, piperin, nenexhikun, kosin dhe ujin e ngrohtë. E trazojmë mirë dhe në fund shtojmë vezët dhe djathin e grirë. E punojmë mirë brumin dhe realizojmë qofte rrumbullake të cilat i skuqim në vaj të nxehtë ose i vendosim në furrë me letër pjekje për 30 minuta në 180 gradë Celsius. Qoftet me presh sipas dëshirës i servirim me pak kos natyral ose të aromatizuar.