Receta

Qofte orizi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 23 Mars 2022, 10:56

Qofte orizi

Përbërësit:

2 lgj vaj ulliri

LEXO EDHE:
Pulë me oriz në furrë nga zonja Albana

1 qepë

1 thelpi hudhër

300 gr oriz

150 ml verë e bardhë

50 gr gjalpë

1 litër buljon

1 lgj galetë

1 lgj djathë të grirë

½ tufë majdanoz

3 kokrra vezë

Pak miell

Vaj vegjetal

Përgatitja:

Në një tigan me pak vaj ulliri kaurdisim 1 qepë dhe 1 thelpi hudhër të grirë imët. Më pas shtojmë orizin dhe e kaurdisim derisa të marrë ngjyrë. E shuajmë me verë dhe sapo të avullojë alkooli shtojmë buljonin dhe e lemë të marrë valë për 15 minuta. Në fund shtojmë gjalpin dhe e lemë orizin të ftohet. Pasi orizi të jetë ftohur plotesisht shtojmë djathë të grirë, majdanoz, kripë, piper. E trazojmë mirë dhe fillojmë realizojmë toptha mesatare të cilat i lyejmë me miell, vezë dhe galetë. Më pas i skuqim në vaj të bollshëm.

MC/Shqiptarja.com

TAG: