QSUT 4 muaj pa shintigrafi, mungon sërish jodi për funksionimin! Një muaj pas denoncimit të Report Tv MSH s’e siguron! Dhjetëra pacientë te privati

Aparatura e shinti-grafisë në Qendrën Spitalore Universitare “Nënë Tereza” nuk është në funksion prej mëse 4 muajsh, e shkak është mungesa e jodit radioaktiv që shërben për të ndihmuar mjekët të gjejnë saktë anomalitë në organin që duan të ekzaminojnë.

Report Tv ka përcjellë shqetësimin e pacientëve, të cilët në mungesë të shërbimit në shtet detyrohen ta marrin atë me pagesë në privat, por edhe të mjekëve, të cilët me zë e figurë 1 muaj më parë, folën në Report Tv se në 1 javë mbi 15 pacientë janë në pritje për të bërë shinti-grafinë vetëm për tiroiden.

“Në këtë periudhë që jemi tani gati çdo ditë vijnë 2-3 raste në ditë me rekomandimin për shintigrafi të tiroides”, thoshte mjeku. 

Por nëse i referohemi edhe pacientëve që vuajnë nga veshka, zemra apo deri te tumoret, që kanë nevojë për ekzaminim me shinti-grafi, shifrat e qytetarëve që nuk e kanë marrë dot këtë shërbim, janë edhe më të larta.

Jodi radioaktiv sigurohet nga Ministria e Shëndetësisë, por pavarësisht denoncimit në Report Tv dhe insistimit për të marrë një përgjigje se kur do të blihet kjo lëndë, nuk ka asnjë reagim.

Kërkesa zyrtare e Report Tv për Drejtorinë e Përgjithshme të Qendrës Spitalore Universitare “Nënë Tereza” bërë më 15 mars, se përse nuk po kryhet shintigrafia, nuk ka marrë përgjigje, duke shkelur kështu afatin 2 javor të pritjes bazuar në ligjin për të drejtën për informim.

QSUT-ja është i vetmi spital publik ku kryhet ekzaminimi i shintigrafisë, të detyruar tashmë pacientët u drejtohen spitaleve private dhe paguajnë të paktën 6 mijë lekë.

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genti: 23/04/2024 13:58

    Pune e madhe se nuk punojnë aparaturat kujt i plasi per njerëzit, ne muret e spitalit po i lyejmë.

    Përgjigju
  • Skenderbegasi: 23/04/2024 09:11

    A u rregullua skaneri në spitalin Rajonal të Shkodrës? pse nuk e ngritet këtë skandal?

    Përgjigju
  • sokoli: 22/04/2024 19:28

    AMAN S'KA GJE,,,LE TE VDESIN NJEREEZIT,,,VETEM EDI RAMA ME VELIUN TE RRINE NE QEVERRI...

    Përgjigju
  • Ndrixkm: 22/04/2024 15:09

    E di Ed Rama ket? Mbeten duke hanger kumlla e dardha keto zojat e partise. Kapi mo per zhelesh qiri jash. O bollino tlutna thoi tmodhit se a i xanum tuj punu per na , thuj ca tu nja ne ket spital se ja hek aj vesht masandaj.

    Përgjigju
  • Mjeku: 22/04/2024 14:57

    Te gjithe mjeket e QSUT mbasdite i ke ne spitalet private prandaj jodi radioaktiv nuk gjendet ne QSUT.

    Përgjigju
  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Lufta/ OKB: 800 mijë njerëz po largohen nga Rafah

Lufta/ OKB: 800 mijë njerëz po largohen nga Rafah