"Shqipëria shkruan historinë" 
 për herë të parë në Europian

Historike, e jashtëzakonshme, e pabesueshme, Shqipëria kualifikohet në kampionatin Europian të Francës. Kjo kombëtare meriton gjithçka, fjalët më të mëdha, sukses i merituar i kuqezinjve erdhi pas 4 fitoreve, 2 barazimeve dhe 2 humbjeve në grup, teksa fjalën e fundit e thanë në Armeni, të cilën e mundën në shtëpi me rezultatin e thellë 0-3 duke siguruar vendin e dytë dhe biletën për në Francë zyrtarisht.

Shqipëria është kualifikuar për herë të parë në një kompeteticion të madh në historinë e saj. Sigurimi i një vendin në Euro 2016, u arrit falë fitores 3-0 ndaj Armenisë.

Kuqezinjtë e mbyllin Gripin I në vend të dytë me 14 pikë, duke lënë Danimarkën në vend të tretë që tashmë do të luajë play-off për të shkuar në Francë. Ndërsa në vend të parë është Portugalia me 21 pikë.

Shqipëria kaloi në avantazh që në minutë e nëntë të lojës me autogol të Kamo Hovhannisyan. Në minutën e 23’ Berat Xhimshiti dyfishoi rezultatin, kurse 14 minuta nga fundi i takimit, Armando Sadiku realizoi golin që vulosi rezultatin e ndeshjes.

Ora 00:00 Nishani: Rrugë të mbarë në Europian Shqipe
 “Rrugë të mbarë për në Europian shqipe”, shkruan ne faqen e tij  zyrtare në Facebook, Presidenti i Republikes Bujar Nishani, Ai e shoqëron komentin e tij me foton e një shqiponje  ne fluturim , pas pjeses se pare  të ndeshjes Shqiperi-Armeni, gjate së cilës Shqipëria shënoi dy gola, në minutën e 9-të falë golit të Shkëlzen Gashit, ndërsa në minutën e 24-të Berat Gjimshiti shënoi golin e  dytë.



Kombetaren shqiptare e ka uruar edhe Ministrja e Arsimit  dhe Sportit, lindita Nikolla e cila shkruan në Facebook, “Ëndrra kuqezi po bëhet realitet”.


Ora 22:10 Lojtarët e kombëtares festojnë si të çmendur 
Ekipi kombëtar i Shqipërisë ka festuar nga përfundimi i takimit me Armeninë, në fushë, dhomat e zhveshjes si edhe gjatë rrugës me autobus drejt aeroportit. Në një video të postuar në rrjetet sociale tregohen momentet e festimit në autobus ku lojtarët këndojnë “Xhamadani vija vija”.









Ora 21:25 Presidenti dekoron kombëtaren “Nderi i Kombit”
Presidenti i Republikës, Bujar Nishani ka vlerësuar ekipin kombëtar të futbollit të Shqipërisë me dekoratën “Nderi i Kombit” me këtë motivacionin: “Në vlerësim të arritjes historike të kualifikimit për në fazën finale të Kampionatit Evropian ‘Francë 2016’, për rezultatet e shkëlqyera sportive që mundësuan këto fitore si dhe për lartësimin e imazhit të Shqipërisë dhe shqiptarëve në botë duke na bërë më krenarë e të bashkuar se kurrë”.

Basha: Përpara Shqipe, lironi Ballist Morinën
Lideri i opozitës Lulzim Basha bashkë me urimet për kombëtaren kuqezi ka kërkuar njëherësh lirimin nga qelia të Ballist Morinës. Njeriu që ngriti dronin në stadiumin e Beogradit vitin e kaluar u kap pak ditë më parë në Tiranë me armë pa leje. ”Përpara Shqipe. Mirënjohje kombëtares Kuq e Zi”, - shkruan Basha në rrjetin social Facebook duke vijuar më tej ”Lironi Ballist Morinën”.
 


Ora 21:20 De Biazi: U shpërblye puna e shumë viteve
Trajneri i kombëtares së Shqipërisë, Xhani De Biazi në një lidhje telefonike për Report TV u shpreh se, është shumë i lumtur për djemtë dhe shqiptarët për arritjen e kualifikimit. “Kur hodh shorti nuk e mendova se mund të kualifikoheshim. Jo vetëm unë por as njëri nuk e mendoi kualifikimin, por kemi bërë një punë të mirë”, tha De Biazi.
Trajneri italian deklaroi se, m këtë arritje u shpërblye puna e shumë viteve. De Biazi nënvizoi se para takimit me Armeninë kombëtarja kishte pak tension.



Ora 21.15 Ilir Shulku: Nuk është rastësi që arritëm kualifikimin 
Në një prononcim për Report Tv Sekretari i Përgjithshëm i FSHF-së Ilir Shulku u shpreh se kualifikimi i Shqipërisë për në EURO 2016 nuk ishte një rastësi dhe meritat për këtë janë të të gjithëve duke filluar që tek tranjeri lojtarët dhe drejtuesit e kombëtares. ​

• Share

Ora 21.10 Alban Bushi Bushi: Falenderoj gjithë Shqiptarët, janë pjesë e suksesit 
Menaxheri i kombëtares Alban Bushi në një prononcim për Report TV ka falenderuar të gjithë shqiptarët për kualifikimin dhe është shprehur se në fillim të këtyre eleminatoreve nuk e mendonte që Shqipëria do kualifikohej.

• Share

Ora 21:00 Qytetarët dalin të festojnë
Qindra qytetarë kanë dalë në qendër të kryeqytetit për të festuar kualifikimin e arritur për në “Euro 2016”. Shiu nuk i ka penguar sportdashësit që të dalin me flamur në duar për të festuar realizimin e ëndrrës së shumë viteve. Kjo është hera e parë që Shqipëria kualifikohet në një Kampionat Evropian. Fitorja me Armeninë u siguroi kuqezinjve kualifikim drejtpërdrejtë në “Francë 2016”.















Fitorja me Armeninë
Kjo është hera e parë që Shqipëria kualifikohet në një kampionat Europian. Ndeshja në Armeni foli vetëm për Shqipërinë që shënoi tre gola për 3 pikët e arta, që e mundonin prej 3 ndeshjesh.



Fillimisht ishte Kamo Hovhannisyan që shënoi një autogol 9’ në portën e tij pas presionit të Gashit, ndërsa përfitoi nga çorientimi i armenëve Gjimshiti që dyfishoi shifrat për kuqezinjtë në të 23’.

Për të vulosur gjithçka mendoi Sadiku në 76’ që finalizoi me saktësi aksionin e Roshit.

Fitorja në Armeni mbyll polemikat dhe zhgënjimin për humbjen me Serbinë pak ditë më parë, pasi Shqipëria do të pjesë e 24 ekipeve më të mira të Europës, që do të luftojnë për trofeun magjik. 


Ndeshja minutë pas minute Armeni- Shqipëri 0-3

93’ Mbyllet gjithçka. Më në fund SHQIPËRIA NË FRANCË, HISTORKE
90’ Shqipëria mbron rezultatin duke mbajtur sa më larg vendasit, duke pritur minutat e fundit shtesë për të festuar.
82' - Goditje e fortë nga jashtë zone nga armenët, por jashtë kuadratit të portës.

76’ Shqipëria shënon golin e tretë përballë Armenisë. Aksion i Roshit nga e djathta, kroson në zonë, por mbrojtja vendase gabon në largimin e topit, aty përfiton i sapofuturi në fushë Sadiku që dërgon topin në rrjetë.





57' Minuta të mira për armenet, lojtaret tanë janë të kthyer prapa duke u mbyllur mjaft mirë sulmet e vendasve.

47’ Momente të mirë për Shqipërinë, provon për golin e tretë Gashi, por topi ndalet nga portieri.
 
46’ Pjesa e dytë nis me një rast të mirë për Shqipërinë, Roshi futet në zonë dhe kthen topin në qendër për Bashën, ky i fundit gjuan drejt portës, por topin devijohet nga mbrojtësit duke u larguar. 

45’ Shpëton për mrekulli porta kuqezi, Mkhitaryn bën dy kombinime të shpejta me Pizzelli, ky i fundit gjuan, por topi përfundon ngjitur ne shtyllën e majtë të Berishës.

34’ Armenia zbret me shpejtësi me Mkhitaryn duke rrezikuar, por Hysaj dhe Gjimshiti mbyllin zonat duke larguar topin.

23’ Shqipëria shënon golin e dytë. Memushaj harkon një top të saktë në zonë për Gjimshitin, i cili me thembër e dërgon në rrjetë për herë të dytë në pak minuta.

• Share

 
18’ Cikalleshi godet ne hyrje të zonës, por topi ndalet nga portieri që ishte në pozicion.

17’ Shqipëria fiton një goditje dënimi në krahun e djathtë, e cila ekzekutohet nga Memushaj, por Gjimshiti nuk godet saktë në zonë duke e dërguar jashtë.
 
12’ Pas golit të shënuar kuqezinjtë kthehen në mbrojtje të rezultatit, ndërsa vendasit zhvendosen në sulm për të kërkuar golin e barazimit.

9’ Shqipëria kalon në avantazh me një autogol të shënuar nga Kamo Hovhannisyan. Godet Basha fillimisht, pret portieri, por nuk arrin ta kontrolloje topin, Kamo Hovhannisyan e devijoi gabimisht duke e dërguar në portën e tij. 

• Share

/Shqiptarja.com