POP 5

Lajmet më të lexuara të 5 minutave të fundit

Ekonomi

Qytetarët e bizneset nuk po i paguajnë në kohë këstet e kredive, shkak rritja e interesave! Huatë me probleme u rritën në prill

Normat e larta të interesit kanë vënë në vështirësi qytetarët dhe bizneset për pagesat e kredive. Referuar shifrave të Bankës së Shqipërisë në prill kreditë me probleme u rritën me 2.1 miliardë lekë dhe arritën në vlerën 37.6 miliardë lekë, duke shënuar rritje në krahasim me muajin paraardhës.

Qytetarët dhe bizneset që kanë një kredi për të paguar, nuk po i shlyejnë në kohë këstet. Sipas të dhënave të Bankës së Shqipërisë 4.88% e totalit të kredive të dhëna nga bankat klasifikohen me probleme, pasi po shlyhen me vonesa nga kredimarrësit, duke shënuar rritje në krahasim me marsin, kur ky tregues ishte 4.64%.

Huatë e këqija në prill kapën vlerën 37.6 miliardë lekë, nga 35.4 miliardë lekë që ishin në mars, duke u rritur me 2.1 miliardë lekë. Rritje totali i kredive me probleme ka edhe në raport me vitin e kaluar, pasi në prill të 2023-shit, kredia e keqe përllogaritej në 36.8 miliardë lekë. Totali i kredisë së dhënë deri në muajin prill sipas të dhënave është 770.9 miliardë lekë.

Ndikim në rritjen e kredisë me probleme po japin normat e larta të interesit, inflacioni i lartë, dhe shtimi i kostove të jetesës që përkthehet në ulje të fuqisë paguese të kredimarrësve. Banka e Shqipërisë thotë se interesi mesatar për kredinë e dhënë për bizneset është rritur me 1%, si rezultat i rritjes së normës bazë të interesit për të mbajtur në kontroll inflacionin. Në muajit e parë interesi mesatar i kredive për biznes ishte 6.6%, ndërsa interesat për kreditë konsumatore kapën vlerën 7.9%.

“Rritja e fundit e normës bazë në muajin nëntor 2023 është përcjellë në tregun financiar, por niveli i normave të interesit në të mbetet ende akomoduese”, thuhet në raportin e politikës monetare.

Shtrenjtimi i kredisë, si rezultat i interesit më të lartë i shoqëruar edhe me vijim të inflacionit, po ndikon negativisht në xhepin e qytetarëve e bizneseve të cilët nuk po paguajnë rregullisht kreditë.

KREDITË ME PROBLEME
PRILL                37,623 mld lekë
MARS                35,430 mld lekë

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03