POP 5

Lajmet më të lexuara të 5 minutave të fundit

Sociale

Qytetarët në Sarandë e Kukës 'bashkëjetesë' me COVID-in! / Vëzhgimi i Report Tv

Qytetarët në Sarandë e Kukës, kanë vendosur të bashkëjetojnë me koronavirusin, pavarësisht se situata vijon të jetë mjaft problematike. Në mjedise publike, por edhe në ato private nuk respektohet asnjë masë anti-COVD, siç është ruajtja e distancimit fizik apo mbajtja e maskës.

Rregullat dhe aktet normative në fuqi kundër COVID-19 të Ministrisë së Shëndetësisë duket se nuk vlejnë në qytetin bregdetar të Sarandës. Me marrjen e pushimeve, qytetarët duket se kanë vendosur të bashkëjetojnë me COVID-19, por pa maska dhe ruajtje të distancimit fizik në mjedise publike apo në mjediset e mbyllura.

"Deri diku janë ruajtur masat, jo plotësisht”, tha një pushues.

Më së shumti vendasit e vizitorët janë të fokusuar te bukuritë natyrore dhe klima e Sarandë.

 “Situata këtë vit nuk ka qenë si vitet e kaluara. Numri i turistëve është i kufizuar. Këto ditë ka pas rritje. Çmimet janë më të ulëta se vitet e tjera. Ne po respektojmë rregullat”.

“Ne zgjedhim Ksamilin çdo vit. Uji shumë i mirë, çmimet shumë të mira. Klima perfekte. Çmimet normale”.

“Hera e parë që vij në Ksamil. Shumë bukur. Çmimet e arsyeshme. Deri diku janë ruajtur masat, jo plotësisht”, tregojnë pushuesit.

Edhe në qytetin e Kukësit jeta po vijon normalisht, pavarësisht se vijon të jetë ndër zonat më të nxehta sa i përket COVID- 19.

"Maskat në Kukës nuk i mbajnë. As distancë nuk mbajnë, as kushtet nuk janë për t'i mbajnë, Shkojnë për të marrë pensionet, për t'u vizituar, nuk i mbajnë"

Dikush i zbaton, dikush jo"

"Asnjë masë nuk ka kurrkund", tregojnë kuksianet.

Në Shqipëri numri i të infektuarve me koronavirus, çdo ditë e më tepër vijon të njohë rritje. Po ashtu edhe numri i atyre që kanë ndërruar jetë.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03