Radhë të gjata edhe në Kapshticë, qytetarët presin të kalojnë në Greqi (VIDEO)

Përveç pikës së kalimit kufitar në Kakavijë, është krijuar radhë edhe në pikën tjetër në Kapshticë. Fluks udhëtarësh dhe radhë të gjata kilometrike janë krijuar ditën e sotme. Vargu i automjeteve që presin e ka kaluar dhe fshatin Kapshticë. Një pjesë e arsyeve që janë në Kakavijë janë edhe në Kapshticë, ku qytetarët duan të largohen para datës 16 gusht, pasi Greqia vendos karantinën për 7 ditë.

Gjithashtu testi Covid bën që të krijohet radhë sepse identifikimi, marrja e të dhënave dhe procedurat e tjera përkatëse kërkojnë kohen e duhur. Mbyllja e kufirit nga pala greke në harkun kohor nga ora 22:00 deri në orën 18:00 ka kufizuar një pjesë të madhe të punës, duke sjellë rëndimin e radhës. Ndërkohë ka edhe nga ata shtetas të cilet janë detyruar të kthehen pasi nuk kanë plotësuar dokumentet përkatëse online në portalin e vendosur nga shteti grek.

Sipas gazetares Gladiola Hoxha, ditën e djeshme në Kapshticë kanë hyrë 1210 dhe kanë dalë 2604 shtetas të huaj dhe shqiptarë dhe po punohet me 6 sportele në dalje dhe 1 në hyrje.

E.D./b.ha./Shqiptarja.com
  • Sondazhi i ditës:

    A duhet të hapen klubet e natës, diskotekat dhe të lejohet muzika?

Komento


×

Lajmi i fundit

John

Rama: Basha shalqi me provë që nuk hahet! Larg qoftë të na gjente flama në kohën që PD drejtonte vendin