Radhë të gjatë në Morinë! Rikthehen emigrantët për fundvit, shqiptarët dynden drejt Kosovës për festat (VIDEO)

Në pikën kufitare të Morinit prej pasdites së djeshme vijojnë radhët e gjata të qytetarëve të Kosovës që po kthehen nga perëndimi për festat e fundvitit. Po kështu ka pasur edhe shqiptarë nga Shqipëria që kanë zgjedhur që festat t'i kalojnë në Kosovë.

Policia kufitare e Kosovës momentalisht punon me procedurë të përshpejtuar për shmangien e radhëve të gjata. Sipas informacioneve nga Policia Kufitare e Kosovës deri tani nëpërmjet pikës kufitare Morinë janë futur 3430 automjete dhe 8983 persona, të huaj dhe shqiptarë për 24 h e fundit.

Sipas shefit të turnit në pikën e doganës, Shefshet Gashi fluksi më i madh i automjeteve është pasdite, pasi shumë emigrante zbresin në Durrës nga trageti, ndërsa në hyrje të Shqipërisë janë futur 3242 automjete dhe 7000 persona të huaj dhe shqiptarë. 

1577693761_rradhekufi.jpg

Radhët në Morinë

Ndërkohë që nga doganat në kufi me Greqinë vijojnë hyrje-daljet. Në Kapshticë sot nuk ka radhë, ndërsa dje kanë hyrë  4900 persona dhe kanë dalë 3779, teksa po punohet me 7 sportele. Në Kakavijë nga ora 01:00 deri në orën 08:30 në kanë hyrë 4600 persona mes të cilëve 300 të huaj, ndërsa të tjerët shqiptarë. Kanë hyrë 12 autobusë.

1577695563_kapshtice2.jpg

Dogana në Kapshticë

Nga Shqipëria kanë dalë 2321 shqiptarë me 8 autobusë dhe automjete të tjera. Pala greke punon me 2 sportele. Radhë ka pasur në mëngjes herët në palën greke, ndërsa tani është normalizuar. Në Vlorë nga porti kanë hyrë 1100 persona dhe kanë dalë 735 në 48 orët e fundit, ndërsa në Qafë Botë nuk ka pasur fluks. Gjatë 24 orëve në portin e Durrësit kanë hyrë 5 tragete, 4 nga Bari dhe një nga Ankona. Prej tyre kanë zbritur 3548 udhëtarë dhe 985 automjete. Ndërsa kanë dalë nga porti i Durrësit 1700 udhëtarë. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

Georgina Rodriguez në Katar, pritja e jashtëzakonshme që i është bërë bukuroshes (VIDEO)

Georgina Rodriguez në Katar, pritja e jashtëzakonshme që i është bërë bukuroshes (VIDEO)