Rajmonda Bulku, ose shoqja që vjen nga Parlamenti

Ndoshta nëse do të kishte qenë ende pjesë e kinemasë, padyshim që mund të ishte në formë, pasi siç duket edhe nga fotot, aktorja Rajmonda Bulku ka humbur sharmin e dikurshëm të vajzës bukuroshe të ekranit, sidomos që nga momenti kur u përfshi intensivisht në politikë. Edhe pse i duhet të ndjekë shpesh shfaqje teatrale, më shumë për hir të detyrës, aktorja duket sikur ka humbur përfundimisht linjat e dikurshme. E ftuar në një nga shfaqjet e fundit në Teatrin e Metropolit, zonja Bulku ngjason me shumë personazhin e zonjës që vjen si e dërguara nga Parlamenti, sesa si një ish-aktore e cila dikur ka luajtur në skenë. Një lloj distance, ndoshta për hir të postit të ri politik, e bën të qëndrojë më e ftohtë: fundja nuk është më Monda siç i thërrisnin dikur, por deputetja e Partisë Demokratike, Rajmonda Bulku.