Rakip Suli në SPAK, detaje: Kryebashkiaku i Kamzës dorëzoi dokumente për çështje që nuk i mbante mend të hënën kur u mor në pyetje

Burime të Report TV bëjnë me dije se Rakip Suli është rikthyer në SPAK për shkak se të hënën ishte shprehur para hetuesve ndaj disa pyetjeve që iu adresuan se nuk mbante mend detaje rreth çështjeve për të cilat akuzohet në kallëzim.

Kryebashkiaku i Kamzës kishte kërkuar kohë që të përgatiste dokumentacionin dhe sillte vendimet në fjalë për t’ju përgjigjur interesit të SPAK në kuadër të hetimeve për procedimin penal që është regjistruar. Këtë të mërkurë, Suli përveç paraqitjes së dokumentave lidhur me disa procedura të kryera nga Bashkia Kamëz për banesat sociale dhe akomodimit të familjeve të dëmtuara nga tërmeti, aktualisht është duke dhënë sqarime për rrethana që nuk u përgjigj dot të hënën.

Lajmi kryesor:

Akuzat për abuzimin me tenderin e Rindërtimit, Rakip Suli dorëzon dokumente në SPAK: Kallëzimi është shpifje! Nuk përbaltet puna e bashkisë Kamëz

B.V/Shqiptarja.com

TAG:
• Tirane
• kamez
• spak
• rakip suli