FIER- Kur kanë mbetur edhe pak ditë nga përfundimi i afatit të punimeve, kryeministri Edi Rama ka publikuar një video se si duket spitali rajonal i Fierit. Sot mbushen 89 ditë nga nisja e punimeve, dhe siç shihet në pamjet ai gati që brenda pak ditësh të nisë nga puna.

Më herët kreu i qeverisë ka bërë me dije se ai do të hapet në javën e tretë të prillit, por pa dhënë një datë fikse, teksa ka premtuar se do të hapet një tjetër spital i këtyre përmasave edhe në Shkodër.  

Ndërtimi i Spitalit Rajonal të Fierit iu premtua Kryeministrit Edi Rama gjatë takimit të tij me presidentin turk Rexhep Taip Erdogan se do të ndërtohet përpara 25 prillit.   Spitali Rajonal Memorial i Fierit do të jetë modeli i parë i një spitali publik me autonomi të mirëfilltë spitalore. Ndërtimi këtij spitali shtrihet në një hapësirë prej  50000 m2 nga e cila 13.000 m2 i dedikohet godinës e cila do të jetë me 1 dhe 2 kate.