Rama në spitalin e Fierit, publikon pamjet nga brenda: Objektivi një spital i ri rajonal i po këtyre standardeve në Shkodër, për krejt Veriun

FIER- Pas Fierit, edhe Shkodra do të ketë një spital rajonal me standarde, për të gjithë veriun. Ky është objektivi i ri i qeverisë, të cilin e ka bërë të ditur kryeministri Edi Rama gjatë inspektimeve në spitalin rajonal të Fierit. Ky spital, një investim i turqve, është në ditën e 80-të të punimeve dhe pritet të hapet në javën e tretë të muajit prill.

“Në Kantierin e Spitalit Rajonal Memorial, ku ka marrë formën e saj më të bukur një ëndërr e vjetër e banorëve të krejt kësaj treve, për të pasur një spital dinjitoz, që sot është pak minuta larg Fierit e për pak ditë, gati t'i shërbejë krejt Jugut të Shqipërisë me standardet më të larta Objektivi i ri: Një spital i ri rajonal i po këtyre standardeve në Shkodër, për krejt Veriun”, tha Rama.

Ministrja e Shëndetësisë tha se Spitali i ri i Fierit është duke u pajisur plotësisht me aparatura mjekësore. 

LEXO EDHE:
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm

"Ne presim të hënën të vijnë 12 personel nga Turqia, një pjesë për instalimin e pajisjeve dhe trajnimin e personelit tonë, gjithashtu 5 prej tyre janë personel mjekësor. Do të vijnë të hënën për të organizuar gjithë punën, në mënyrë që në datën 14 ne t’i kemi marrë në dorëzim edhe godinën edhe paisjet dhe pastaj të bëhemi gati për ta futur në efiçencëNga Ministria e Shëndetësisë së Turqisë vijojnë të vijnë aparaturat dhe pajisjet. Kemi përfunduar gati 80% të pajisjeve dhe presim që të vijë angiografi, i cili vjen në fund të muajit Prill. Janë 6 salla operacioni, do të kemi shërbime nga kirurgjia e përgjithshme, otropedi, etj. Për nga pikëpamja e kirugjisë është një plotësim i nevojave për gjithë jugun, por edhe në gjerë", tha Manastirliu.

Ministrja e Shëndetësisë bëri me dije se deri tani janë 424 aplikantë për t’u punësuar në këtë spital, ndërkohë që u shpreh se aplikimet për këtë spital mbyllen në datë 7 Prill.  Spitali Rajonal Memorial i Fierit do të jetë modeli i parë i një spitali publik me autonomi të mirëfilltë spitalore. Ndërtimi këtij spitali shtrihet në një hapësirë prej  50000 m2 nga e cila 13.000 m2 i dedikohet godinës e cila do të jetë me 1 dhe 2 kate.

TAG:
• edi rama
• ogerta manastirliu
• Spitali Rajonal i Fierit

Sondazhi i ditës:

Si ka qene per ju viti 2024?

• I mire

  43.6%

• I keq

  22.5%

• As i mire as i keq

  33.9%

Vota total: 1657

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq