25 milion dollar do të investohen në drejtim të pastrimit të kanaleve kulluese e vaditëse.

Këtë e ka bërë të ditur Kryeministri i vendit, Edi Rama teksa ka qenë i pranishëm në inspektimin e punimeve për rindërtimin e Digës së rezervuarit të Thanës dhe kapacitetit ujitës, ku ishte i shoqëruar edhe nga Ministri i Bujqësisë, Edmond Panariti.

kanalet vaditese

Përmes një postimi në rrjetin social “Facebook”, Rama thotë se 25 milion dollarët do iu vihen në dispozicion bashkive për të ndërhyrë në drejtim të kanaleve kulluese e vaditëse.

kanalet vaditese
“Rindërtimi i Digës dhe rritja e kapacitetit ujitës të rezervuarit të Thanës është pjesë e programit më të madh të ujitjes dhe kullimit në këta 25 vjet, që ka ndërmarrë qeveria shqiptare. 25 milionë USD janë vënë në dispozicion të bashkive këtë vit për pastrimin e kanaleve vaditëse e kulluese, që nuk janë prekur prej njëzet e kusur vitesh. Një flotë tërësisht e re mjetesh për këtë funksion, do t'u vihet së shpejti në dispozicion njësive të reja të qeverisjes vendore dhe pëfitimi i kujtdo punon në fshat nga reforma administrative-territoriale do të jetë i jashtëzakonshëm” ka shkruar Rama në llogarinë e tij në Facebook.

kanalet vaditese

Redaksia Online
(F.T/shqiptarja.com)