Rama 'thumbon' Ben Blushin dhe
PD: Çadra e dehur nga hashashi

Kryeministri Rama sot pas vizitës ka drekuar në Vlorë, ku ka folur për protestën e PD, por ka ironizuar edhe Ben Blushin pas deklaratave të tij pak ditë më parë për zhdukjen e bletëve.
 
Rama tha se “Blushi na qenka shqetësuar për bletët, njeri i lexuar medemek, ai njeh gremxat”. Rama ironizoi dhe çadrën e PD ku tha se hashashi ka dehur ata të çadrës.
 
Batutat në Vlorë

Gjinkuri: E pyeta këtë të bletëve, ore bletëve u ka ikur hashashi.
 
Rama: Cfarë idiotësie. Hashashi ka dehur ata të çadrës, fol e fol dhe u dehën fare.
 
Gjiknuri: E hedhin si fjalë dhe kthehet si anekdodë pastaj.
 
Rama: Përfitojnë nga fakti që këtu ka lum të madh fjalësh, thashethemesh.
 
Rama: Ja pra ishte shqetësuar Blushi për bletët më thanë. Blushi njeri i lexuar medemek.
 
Blektori: Mos bën ndonjë roman ai.
 
Rama: Ai njeh grenxat. Kishte nxjerrë Saliu trenin me skrap që furnizon Kurumin 15 vjet, ai thoshte ja mbeturinat kalojnë. Ky është turp.

TAG:
• KURUM