Korrupsioni në Shëndetësi/ Rama zbulon planin: Autonomi të spitaleve, mjekët do paguhen me orë pune! Çështja e detit? Meta e Basha, 'maskarenj që i fryjnë zjarrit' (VIDEO)

Kryeministri Edi Rama, teksa ka folur nga Saranda për çështje të ndryshme, nuk ka lënë pa ironizuar edhe premtimin e Bashës për t’i dhënë studentëve nga një laptot secilit. Ai shtoi se as të djathtët nuk duhet t’i hanë këto.

“Si mund të thuash që do iu çoj nga një laptop në çdo shtëpi. Çfarë janë këto muhabete? Dhe ti që je i djathtë duhet t’i hashë këto? Është normale që njeriu mund të dëshirojë që në Shqipëri të ketë një alternativë të djathtë, por për sa kohë s’e ka këtë alternativë, si duhet t’i shkosh mbrapa. Kjo ka bërë që PD të mos reformohet, sepse e kanë mbështetur pa kushte, ata që e kanë mbështetur”, u shpreh kryeministri.

Kryeministri gjatë fjalës së tij doli sërish për një tjetër premtim të kryedemokratit për të sjellë në aeroportin e Kukësit 100 kuksianë, përpara 25 prillit që të votojnë për PD-në.

 “Unë shpresoj shumë që ky varianti i ri të mos ma bëjë të pamundur atë premtimin që do sjell 100 kuksianë e t’i ulë në aeroportin e Kukësit para zgjedhjeve. Që avioni do të ulet aty, kjo është e sigurt, por dua që të ulet bashkë me ata kuksianë, që të votojnë. Të hanë atë djathin, që në fyt pastaj do ta shohin që është sapun”.

Kryeministri Edi Rama ka treguar lidhjen e tij të shkurtër me PD dhe arsyen pse kjo ka zgjatur shumë pak.

"Me PD kam pas një kontakt ku nuk ka lindur shkëndija e dashurisë, por shkëndija e dyshimit te madh. që ishte një pasuri e madhe që kishte rënë në dorën më të keqe të mundshme, Kam qene i pari jo komunist, nga krahu i revolucionit që kam thënë që Saliu është një hata e madhe e PD dhe do i kushtojë Shqipërisë dhe tani nuk ka nevojë që ta përsërisë unë, se e dinë të gjithë, përveç Lulit, që e di, por nuk e thotë, mos prisni që të thotë, mund ta thotë në një moment të caktuar, por jo për momentin", tha Rama.

Kryeministri Edi Rama ka prezantuar një nga prioritet e tij për shëndetësinë për të zhdukur korrupsionin. Ai tha se mjekët do të paguhen për aq orë pune sa punojnë, sa operacione dhe ekzaminime bëjnë. Kjo autonomi e spitalit do të nis me spitalin rajonal të Fierit dhe më pas do të shtihet edhe në spitalet e tjera.

"Te Shëndetësia nuk diskutohet që ka probleme që lidhen me korrupsionin për sa kohë ka shtrirje dore ndaj pacientëve dhe ka familjarë që paguajnë, por nga ana tjetër nuk mundet dot kurrë ta pranojë unë, dhe jo se s'dua unë që ta pranojë, që ajo mostra e "Shefqet Ndroqit" është fytyra e Shëndetësisë, ajo është fytyra e së keqes që është zvogëluar, por që mbetet një problem. Adresimi i korrupsionit sigurisht që ka të bëjë me drejtësinë, por me modernizimin,  ka të bëjë me kantier, nuk mund të kemi një zgjidhje përfundimtare nëse ne nuk do të bëjmë kapërcimit të autoniomia, të japin mundësinë që të fitojnë në bazë të kontributin, mjeku që bën më shumë ekzaminime e operacione do fitojmë shumë dhe spitali duhet të administrojë të ardhurat, dhe jemi në kushtet kur mund ta çojmë para këtë projekt, një nga gjërat që do bëjë spitali i Fierit është kjo ,do të ndërtojmë modelin e parë të autonomisë duke fuksionuar spitali brenda sistemi publik, por do të jetë një model menaxhimi si në Turqi, aty nuk paguhen njësoj, në Turqi spitalet e shteti i menaxhojnë privatët, nga pikëpamja e operimit dhe logjistikës, carcafët, batanijet, aparatura, ushqimi, ndriçimi, ngrohja, e menaxhon privati, gjithë pjesën tjetër menaxhohet nga autori shëndetësor,e këtu futen mjekët. Mjekët që do punojnë në sistemin publik do të paguhen në bazë të performancës.  Mjekët do të paguhen në bazë të performancë dhe më pas do i ndajnë të ardhurat, sipas orëve të punëve, mjekët në Turqi nuk lejohet të kenë klinikë private, se ato mund të punojnë edhe 16 orë apo 18 dhe marrin para më shumë. Korrupsioni është sistem dhe luftohet me anti sistem, dhe anti është modernizimi dhe ne kemi hyrë, pse në ka më korrupsion në emërimin e infermierëve dhe mësuesve, më parë bëheshin me letër me vrimë, me lekë ose parti, merrej mësuesi flakej kur ikte partia, sot duhet të fitosh pikët dhe të presësh radhën dhe ka gjëra abuzive, por që janë shumë pak dhe kush e shkel këtë shkon përpara ligjit. Infermierët po kështu, nuk bëhesh infermierë se kështu e do partia, nëse nuk kalon testin, jo", tha Rama.

Një ish-mbështetës i PD-së i ka bërë thirrje  demokratëve që të votojnë PS në zgjedhjet e 25 prillit, kjo sepse sipas tij janë më punëtor.

"Jam divorcuar me të djathtën, se në Ksamil kur kam jetuar në 2010 janë prishur 300 ndërtime ku ministër i Brendshëm ka qenë Basha që sot pretendon që të jetë kryeministër, por nuk i plotëson kërkesë, në 21 janar kjo qeveri vrau 4 persona të pafajshëm, 300 ndërtimet që u prishën në Ksamil janë thuajse të legalizuara sot, në kohën e PD legazilimet janë bërë me pikatore, ka qenë një zonë në Ksamil, 26 marsi që u fut në zonë urbane nga zonë e mbrojtur që ishte, ketë nga PD u bëj thirrje që të votojnë PS se është më punëtore. Personi ndikon, në behar fluksi i pushuesve është shumë i madh, në 2020 si pasojë e pandemisë ra fluski, por ama ke një kontribut të paçmueshëm në thirrjen që u bëre qytetarëve për turizëm patriotik, prap punuam, lamë këstet e kredisë", tha qytetari.

Një tjetër çështje në të cilën u ndal kryeministri Edi Rama ishte edhe marrëveshja e detit për Greqinë. Ai ka ritheksuar se shtirja e Greqisë me 12 milje në det nuk ka impakt në Shqipëri, teksa nuk i ka lënë ironitë për Lulzim Bashën dhe Monka Kryemadhin, të cilët i ka quajtur "maskarenj që i fryjnë këtij zjarri".

"Vendimet e Greqisë që këtu janë keqinterpretuar masivish janë vendime që nuk kanë lidhje me çështjen e detit mes nesh dhe Greqisë, sepse këtu nuk janë miljet e nevojshme për t'u shtrirë 12 milje, që të ndodh kjo duhet të vendos kufirin në Memaliaj dhe pastaj e gjithë ekonominë e detit duhet ta spostojmë në Virua, nuk ka dhe nuk e di sa herë duhet ta përsërisë. Nuk ka mundësi as Shqipëria të shtrihet 12 milje, dhe as Greqia të shtrihet te ne. E ke shpinë në Sarandë? Jo sipas lajmeve e ke shtëpinë në Greqi. 12 miljet janë një e drejtë e gjithsecili shtet, Greqia ka ushtruar të drejtën e vet, deti Jon nuk fillon në Butrint, matanë ka Greqia hapësirë për t'u shtrirë me 12 milje në raport me Italinë, aty ku dhe Konventa e thotë shumë qartë, që ushtrohet aty ku është e mundur, nëse nuk është mundësia fizike nuk e bën dot. Ne e kemi ushtruar këtë të drejtë në '90 me 6 milje dhe aty ku nuk ushtrohet dot duhet bërë marrëveshje dhe ne do të shkojmë në gjyq se s'kemi marrëveshje, nuk jemi marrë vesh se nuk ka hapësirë për të ushtruar të drejtën pa u marr vesh dhe ideja që deti mund të shitet si kos dhe shitja të bëhet fshehurazi është një ide krejtësisht absurde, por keqardhja e madhe është që ka kaq shumë peshq me 2 këmbë që këtë absurditet e marrin për të mirëqenë, ata që janë lider partish politike dhe flasin duke i fryrë këtij zjarri janë maskarenj. Qenie të ulëta, të padenja që nuk meritojnë aspak respekt por që kanë një pjesë njerëzish që i ndjekin, gjysmëanalfabet që i japin vetes patriot, po patriot e injorant nuk lidhen me njëra tjetrën. këtu s'ka lidhje ke shkollë apo jo, ke sot njerëz me shkollë që e kanë kokën bosh. Marrëveshja e vjetër ishte problem, jam krenar që rivendosëm me Greqinë rrugën e komunikimit, marrëdhëniet me Greqinë janë shumë pozitive, por ajo që ka bërë nuk impakton fare me ne", tha Rama.

I pyetur nga një qytetar i cili punon në sektorin e turizmit, lidhur me ndërtimin e terminalit të ri të autobusëve në Tiranë, Rama tha se çdo investim ka nevojë për kohën e vetë. Kryetari i Bashkisë Sarandë, Adrian Gurma i është përgjigjur interesit të qytetarit duke deklaruar se projekti i ndërtimit të terminalit si dhe të një parkingu jashtë qytetit janë gati.

“Të gjitha bashkitë ka mundësi të bëjë terminalin e ri të autobusëve vetë, ose me ndihmën e një sipërmarrje, por gjithmonë duke e vendosur në prioritetet e veta. Mbase kryetari i Bashkisë ka nisur të punën në këtë aspekt.

“Doja ta sqaroja që është pjesë e paketës së Bankës Botërore përmes Fondit Shqiptar të Zhvillimit që projekti është gati si për terminalin si dhe për vendparkimin jashtë qytetit. E kemi diskutuar me Fondin Shqiptar të Zhvillimit” – tha kryebashkiaku.

“Ndërtimi i një terminali autobusësh në Sarandë është e rëndësishme për turizmin. Puna në të gjithë aksin e Kardhiqit vijon dhe në të gjitha pikat ka avancim të punimeve. Keni duruar shumë vite për atë rrugë pasi është premtuar pafundësisht. Puna vijon intensivisht, sigurisht në afat do arrijmë të përfundojmë atë vepër. Edhe pak durim duhet të keni.