TIRANË- Për kryeministrin Edi Rama, kryedemokrati Lulzim Basha nuk është lideri real i Partisë Demokratike. Ai shprehet i bindur se pas Bashës, qëndron Sali Berisha, sipas së cilit ka mundësinë ta largojë nga drejtimi i demokratëve 'me vetëm një postim në Facebook'.
“Sali Berisha, me një postim në facebook e nxjerr ‘fishek’ Lulzim Bashën nga PD, madje pa dalë as nga shtëpia”, tha Rama i ftuar në 'Open', deklaratë të cilin ka e lidhur me faktin se Lulzim Basha hesht kur Sali Berisha deklaron se vaksinat vrasin shqiptarët, dhe nuk flet.
Ai është ndalur edhe te zgjedhja e Ilir Metës si president, marrëdhënie e cila është aktualisht e tensionuar me akuza dhe kundër akuza të forta për njëri-tjetrin. Rama ka sqaruar se përse zgjodhi pikërisht Metën si kreu i shtetit, atëherë kur PD-ja ishte ngujuar në çadër dhe refuzonte që të merrte pjesë në zgjedhje.
"Me Ilir Metën nuk më ka ndarë kjo fushatë, ju duhet ta kujtoni. Më ka ndarë fushata e 2017, për Ilirin kam bërë krahasimin me vulën e eksport/import të Haxhi Qamilit, se Meta ishte kërcënim real i Reformës në Drejtësi. President Metën nuk e bëra unë, e bënë votat e tij, e vetmja mundësi për të bërë një zgjedhje në atë kohë, se e kam thënë që për zgjedhjen më të mirë për opozitën, po s’e mendova që do lajthisë, e dija që pa votat e Metës nuk bëhej presidenti", tha Rama.
Ndalur te retorika e tij politike në këtë fushatë, e karakterizuar me nota ironike, shpesh e cilësuar edhe si "bulizëm", Rama tha se është krenar.
"Jam krenar, është mënyrë komunikimi, një mënyrë komunikimi që mua më vjen natyrshëm, por nuk është e panjohur në mënyrat e komunikimit në botën e lirë. Basha nuk di të më përgjigjet, secili bën atë që mendon se është më e udhës", u shpreh ai.
Mes debateve të shumta për mbrojtjen e lumit Vjosa, ku është përfshirë dhe presidenti Ilir Meta dhe aktori Leonardo Di Caprios, Rama sqaroi se aty nuk do të ndërtohet asnjë hidrocentrale.
" Nuk ka hidrocentrale në Vjosë ka marrë fund kjo histori", tha Rama.
Kryeministri Edi Rama ka sulmuar LSI-së, sipas së cilit nuk është gjë tjetër veçse një parti familjare, e ndërsa tha se nuk ka asgjë personale me Ilir Metën, por me postin e tij si president.
"Nuk merrem fare me njerëzit, kanë punën dhe jetën e tyre. Kjo është fusha e ndeshjes. Këta janë lojtarë në fushë. Ilir Metën si njeri unë kam vetëm keqardhje që është katandisur në atë gjendje, por s’kam asgjë me atë si njeri, jam gati ta ndihmoj në çdo moment nga ana njerëzore. Ilir Metën në këtë rol, në këtë fushë, e konsideroj një hall të madh për këtë vend jo për mua.
LSI-në si rol, si sistem, si filozofi, që është tani e shpërfytyruar dhe i ka dalë komplet e keqja në fytyrë e konsideroj një çiban në politikën shqiptare. Kur them sistemi, aty është një sistem i ngritur dhe kontrolluar nga Ilir Meta, në funksion të Metës. Ilir Meta aty është sistemi, sistemi aty është Ilir Meta. Monika pastaj është dorëzania që niset me misione. Meta shkon në Presidencë dhe ajo ka mision që të administrojë atë sistem mizerabël që ka ajo parti", tha Rama.
Kryeministri Edi Rama dhe kryedemokrati Lulzim Basha janë "përballë" njëri-tjetrit në një debat televiziv, ndonëse jo në një studio.
Rama është i ftuar sonte në 'Open', ndërkohë që kundërshtari i tij politik, Lulzim Basha është në 'Opinion'.
Ajo që vihet re është se kryeministri Edi Rama e ka mundur kryedemokratin Lulzim Basha, me dyfishin e audiencës, siç shihet në këto foto të shkrepura në të njëjtën kohë.
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17
