Rama - deputetëve të rinj: Ju jeni njësoj si ata...por jeni akoma në fazën e ambientimit

Kryeministri Edi Rama gjatë fjalës së tij në Kuvend, ju drejtua deputetëve të rinj të opozitës duke i thënë se janë njësoj si ata që tanimë janë jashtë parlamentit dhe kërkojnë të futen sërish brenda me protesta - siç ai u shpreh.

"Ju jeni njësoj si ata, por jeni akoma në fazën e ambientimit, por pres që shumë shpjet edhe ju të jeni në lartësinë e pritshmërive të atyre që ju kanë futur në lista. Kryetari juaj, pavarësisht se zoti Murrizi e mohon, është kryetari i zotit Murrizi", tha Rama.

(ndërhyn Murrizi): Është miku jot

LEXO EDHE:
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës

Rama: Është miku im? Por është kryetari jot!

"Duhet të ndaheni nga ata, jo kush është jashtë, kush është brenda, ato dy siglat ne do t'i çojmë për skrap", tha Rama.

Kryeministri foli edhe për sistemin zgjedhor, duke thënë se për herë të parë kuvendi ka përfaqësi të lartë të grave, ndërsa ka edhe një përfaqësim të larmishëm që i përshtatet zhvillimit që vendi ka marrë.

"Debati për sistemin, është debat që s'ka fund, dhe s'ka për të pasur fund jo vetëm në Shqipëri po askund. Me sistemin që kemi zgjedhur, pavarësisht se si është dëshiruar të interpretohet dhe të komentohet lartë e poshtë nga të interesuarit për të justifikuar humbjet e tyre, apo axhendat e tyre mediatike, kemi sot një parlament që s'do ta kishim kurrë me sistemin e kaluar. Mjafton të shikojmë numrin e grave në parlament. Me gjithë respektin për sa tha parafolësja, ose përsa mund të thuhet me të drejtë, për disa avantazhe të një sistemi që kalon drejtpërdrejt nga zgjedhja mazhoritare, ishte vetëm 10 vjet - 15 vjet më parë, kur parlamenti kishte 2-3 gra. Është fakt që me këtë sistem ne kemi krijuar kushte, për të pasur një zgjedhje shumë më përfaqësuese të shoqërisë, dhe jo thjesht për tu lidhur pas individësh që mund të realizojnë marrjen e mandatit në një zona a tjetër, por që nuk garantojnë të paktën në këtë fazë zhvillimi të vendit tonë, një përfaqësim të larmishëm, dhe shumë më pranë ngjyrave të vetë shoqërisë. Ky është fakt, dhe mund ta dëshmojnë të gjitha zonjat në parlament. Parlamenti është vendosur në shënjestër, është përqeshur, e kështu me radhë, për një mijë e një arsye, sikundër treguan edhe faktet, se e gjithë ajo baltë në pjesën e saj më të madhe, ishte propagandë. Unë do ti lutesha të mbajnë parasysh dinamikën e zhvillimit, shoqërinë ku jetojmë, nga vijnë, dhe të kemi gjithmonë në sy horizontin ku duam të shkojmë", tha kryeministri Edi Rama.

TAG:
• OSBE
• OSBE-ODIHR
• seanca e kuvendit 3 prill 2019

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.8%

Vota total: 1540

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq