POP 5

Lajmet më të lexuara të 5 minutave të fundit

Arkiva

Rama dhe Veliaj në Novoselë, kompensojnë qytetarët që u prekën nga përmbytjet

VLORE, 14 Shkurt/ ATSH/-Në kuadër të kompensimit të të gjitha dëmëve të shkaktuara nga përmbytjet e ditëve të fundit, kryeministri Edi Rama, i shoqëruar edhe nga Ministri i Mirëqenies Sociale dhe Rinisë, Erion Veliaj, si dhe përfaqësues të biznesit, ishin sot në Novoselë të Vlorës ku kanë shpërndarë ndihma për familjet e prekura nga fatkeqësia […]
/ATSH/-Në kuadër të kompensimit të të gjitha dëmëve të shkaktuara nga përmbytjet e ditëve të fundit, kryeministri Edi Rama, i shoqëruar edhe nga Ministri i Mirëqenies Sociale dhe Rinisë, Erion Veliaj, si dhe përfaqësues të biznesit, ishin sot në Novoselë të Vlorës ku kanë shpërndarë ndihma për familjet e prekura nga fatkeqësia natyrore.
Falë edhe ndihmës së bizneseve që kanë kontribuar në këtë fazë të trajtimit të pasojave të përmbytjeve, në Novoselë është bërë e mundur jo vetëm shpërndarja e ushqimeve dhe e veshmbathjeve, por sot ka nisur edhe zëvendësimi i të gjitha pajisjeve elektroshtëpiake të dëmtuara nga uji.
Që në nisje të këtij inspektimi, ministri Veliaj informoi kryeministrin Rama se në një nga magazinat e mëdha në Novoselë janë grumbulluar dhe ka nisur shpërndarja e pajisjeve eltroshtëpiake si lavatriçe dhe frigoriferë. "Në këtë magazinë janë grumbulluar 128 komplete elektroshtëpiake, frigoriferë dhe lavatriçe, të cilat po shpërndahen për të gjitha ato familje që përmbytjet u shkaktuan dëme në shtëpitë e tyre", tha Veliaj.
Ndërkaq, ai bëri të ditur se me ndihmën dhe kontributin e disa sipërmarrësve, po ndërtohen dhe po meremetohen edhe disa shtëpi që kanë pësuar dëme serioze si pasojë e vërshimit të ujit. Po ashtu,  Veliaj vuri në dukje edhe ndihmën që po u jepet familjeve që kanë në përbërjen e tyre persona me aftësi të kufizuara.
Kryeministri Rama theksoi se me mbylljen me sukses të fazës së parë, po mbyllet edhe faza e dytë, ajo e zëvendësimit të çdo gjëje të humbur nga përmbytjet. "Vullneti i sipërmarrësve po kanalizohet me lista e regjistra dhe ndihma po shkon aty ku duhet", tha kryeministri Rama, ndërsa paralajmëroi se në fazën e tretë do të bëhet edhe riparimi i argjinaturave dhe pastrimi i kanaleve kulluese.
Gjithashtu, ai siguroi se shteti do t'u gjendet pranë edhe atyre që humbën serrat dhe infrastrukturën prodhuese. Më parë,  Rama vizitoi fshatin Hoxharë ku mori pjesë në dorëzimin e një tufe delesh një fermeri që i kishte humbur ato në ditët e përmbytjes.

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52