Rama 'dush të ftohtë' kryebashkiakëve: I pakënaqur me punën! Disa favorizojnë ndërtimet pa leje në bregdet! Do i denoncoja vetë, po s'po ua shtoj punën SPAK

Sekretari i Përgjithshëm i PS, Damian Gjiknuri në një prononcim për mediat pas përfundimit të Asamblesë së PS, u shpreh se qëllimi i këtij riformatimi janë zgjedhjet vendore.

Ai lajmëroi se nga e hëna Komisioni i Posaçëm i krijuar për zgjedhjen e kryetarëve të degëve në PS do të nisë punë në terren.

“Stacioni jonë politik i cili pres të kurorëzohet me një sukses të madh janë zgjedhjet e vitit të ardhshëm. Mbledhja u mbyll me sukses dhe u miratuan të gjitha aktet, këtë javë fillon zbritja në terren e komisionit, që do të merret me identifikimin e kandidatëve. Ky do të jetë hapi i parë, ngritja e sekretarit ekzekutiv. Do të kemi të gjithë strukturat e reja. Pastaj do të kemi koordinatorët elektoral.”, tha ai.

Kryeministri Edi Rama është treguar i ashpër me kryebashkiakët, ku tha se do ishte ai vetë që do i çonte përpara drejtësisë.

"Si është e mundur që të harxhohen orë dhe para për t'i bërë telefonata kryetarëve të bashkive për t'i thënë aman, nga agjencia e bashkëqeverisjes, ndërkohë që sot bashkëqeverisja është detyrim ligjor, po ca do t'u thonë qytetarëve nesër dhe më çfarë syri dhe faqe do vijnë tek ne që të kërkojnë që të jenë përsëri kandidat, ndërkohë që edhe për plehrat dhe mos përgjigjet e platformës së bashkëqeverisjes dhe për shërbimet skandaloze dhe për mos zbatimin e ligjit dhe indiferencës ndaj të rinjve, për të këtë lloj kryetari bashkie që është pjesë e PS, kusuret i mbajmë ne, kusuret i mban PS këtu në krye të punëve dhe në ballin e betejës, ndërkohë që as ministra e as deputetë nuk kanë mundësi që të bëjnë punën e atyre kryetarëve të bashkive që i kanë kthyer kurrizin elektorin, PS dhe ligjit, për cilat arsye duhet të angazhohet policia, inspektorati, një forcë e madhe njerëzore për të shkuar në fund të bregdetit për të korrigjuar dëmet e kryetarëve të bashkive, se janë dëmet e tyre, ku sot ndërtohet pa leje tek dhe tuk në breg detin e Shqipërisë, sapo kthen kurrizi policia dhe inspektorati nga qendra janë disa kryetar bashkie që vazhdojnë avazin e tyre, është e paimagjinueshme kjo dhe nëse nuk do të isha në pritje që SPAK të bëj disa punë më të mëdha dhe të vendos një rend prioritetesh, mbase do isha unë që do bëja denoncimin sot, por nuk kam se si ia shtoj SPAK punët në drejtim të kësaj familje politike kur shoh që balanca jo në aspektin politik, por në aspektin e të drejtës është e shtrëmbërua", ta Rama.

Kryeministri Edi Rama i ka bërë kritika të ashpra disa prej kryetarëve të Bashkive në vend, duke thënë se kanë fituat garën pa kundërshtarë dhe janë në atë pozicion për inerci, duke mos i shërbyer detyrës.

“Zgjedhjet vendore janë në prag, partia është garanci edhe për këto zgjedhje. Të gjitha përmirësimet do ti japin PS për ti përballuar me sukses zgjedhjet. Zgjedhjet vendore janë edhe një bilanc që komuniteti do të bëjë për qeverisjen vendore. Për ketë balance s’jam pozitiv. Mesa duke disa kryetar të bashkisë, të të cilët hynë në zgjedhje pa garë dhe u zgjodhën në një ndeshje pa kundërshtarë, kanë vazhduar për inerci të qëndrojnë në krye të bashkive, a thua se kundërshtarët e komunitetin nuk ekzistojnë, a thua se papastërtia nuk ekzistojnë. Një pjesë e konsiderueshme e bashkive kështu. Shqipëria duhet ta mbylli këtë kapitull turpi. Një pjesë e Kryetarët e bashkive nuk janë fare të angazhuar në këtë proces. Është fatkeqësi të shohësh se kërkesës ligjore të ministres, për të ngritur këshillat rinore vendore, deri tani i janë përgjigjur vetëm 44 bashki dhe afati ka kaluar. Nuk dua t’i marrë me emër, por ata e dinë vetë. Po ca do t’i thoni të rinjve dhe të reja kur të vijnë zgjedhjet. Si do t’i dilni përpara? Ashtu si kundër është për të vëne duart në kokë që problemi kryesor i platformës së bashkëqeverisjes janë bashkitë. Nuk e konsiderojnë ata kryetar bashkie që janë bërë problem kronik se çfarë mundësie është të kesh instrumentin e bashkëqeverisjes dhe mos ta përdorësh, të dëgjosh hallet e njerëzve.”, tha ai.