POP 5

Lajmet më të lexuara të 5 minutave të fundit

Arkiva

Rama: Ejona Isufaj, viktimë e dhunës verbale të PD-së

TIRANE, 14 Gusht/ATSH/.- Kryeministri Edi Rama reagoi sot, përmes një postimi në rrjetin social Facebook, ndaj akuzave që janë ngritur së fundmi ndaj nëpunëses së Inspektoriatit Shtetëror të Arsimit, Ejona Isufaj, duke e konsideruar këtë të fundit “viktimë të dhunës verbale të Partisë Demokratike”. “Ja kush është “kryeinspektorja” me “diplomë fallco” që është vënë dhunshëm […]
Kryeministri Edi Rama reagoi sot, përmes një postimi në rrjetin social Facebook, ndaj akuzave që janë ngritur së fundmi ndaj nëpunëses së Inspektoriatit Shtetëror të Arsimit, Ejona Isufaj, duke e konsideruar këtë të fundit "viktimë të dhunës verbale të Partisë Demokratike".

"Ja kush është "kryeinspektorja" me "diplomë fallco" që është vënë dhunshëm në shënjestrën e pushtetarëve të rënë nga vakti, të cilët mbrojnë me tërbim piramidat universitare dhe sulmojnë me tërbim një grua e nëpunëse të shtetit që, pasi është diplomuar jashtë në shkenca politike, punon me përkushtim në ekipin e ri të Ministres Lindita Nikolla", shkruan Kryeministri Rama, ndërsa publikon edhe letrën që Isufaj i ka nisur sot publikisht z. Genc Pollo, të cilin Rama e cilëson si "njërin prej ministrave që hodhën themelet e piramidave në arsimin e lartë".

Në një letër publike drejtuar sot ish ministrit të Arsimit, Genc Pollo, Isufaj sqaron pozicionin e saj në procesin reformues që po ndërmerret në institucionet e arsimit të lartë në Shqipëri. Ajo sqaron se
"aktualisht është drejtore e një drejtorie në Inspektoratin Shtetëror të Arsimit, dhe jo kryeinspektore, dhe se për pozicionin që ka plotëson të gjitha kriteret ligjore". "Jam diplomuar për shkenca politike pranë Universitetit të Sienës, një nga universitetet më prestigjioze në Itali", shkruan Isufaj.

"Por, unë dhe ju Z. Pollo i përkasim dy sistemeve të ndryshme mendimi. Unë besoj tek shteti që nuk i shmanget përgjegjësisë, por është aty për t'i shërbyer qytetarëve. Kurse ju besoni se çdo mjet justifikon qëllimin dhe jeni gati të shpifni për një grua publikisht për të arritur qëllimin tuaj që është fitorja e një lufte të paskrupullt për pushtet", vijon letra publike e znj. Isufaj.

"Ministria e Arsimit dhe Sportit më në fund po bën atë që nuk e bëtë ju e kolegët tuaj politikanë në 20 vjet: Po u jep studentëve shqiptarë mundësinë që të arsimohen në institucione dinjitoze", thuhet më tej në këtë letër./ATSH/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

PYETJE PERGJIGJE/ Çfarë dihet deri më tani lidhur me sulmin ndaj kanalit të ujit të Ibër-Lepencit? Kush janë 'Mbrojtja Civile', 'Brigada Veriore' dhe roli i Radoiçiç

30 Nëntor, 13:39