POP 5

Lajmet më të lexuara të 5 minutave të fundit

Arkiva

Rama, i ftuar në dasmën e miliarderit
Xhorxh Sorros të shtunën

Miliarderi 83-vjeçar Xhorxh Sorros, në ceremoninë e martesës së tij me  këshilltaren për shëndetësinë dhe arsimin Tamiko Bolton, ka ftuar rreth 500 personalitete të botës, ndërmjet tyre edhe Kryeministrin Rama.
Rama, i ftuar në dasmën e miliarderit<br />Xhorxh Sorros të shtunën
SHBA - Miliarderi 83-vjeçar Xhorxh Sorros, një filantrop dhe përkrahës aktiv i krahut politik liberal ka vendosur të martohet me këshilltaren e tij për shëndetësinë dhe arsimin Tamiko Bolton të shtunën, në pronën e tij afër Nju Jorkut. Në ceremoninë e martesës janë ftuar rreth 500 personalitete të botës, ndërmjet tyre edhe Kryeministri i Shqipërisë, Edi Rama.

Ceremonia do të zgjasë tre ditë, që të premten me një darkë të ndjekur nga një pritje në Muzeun e Artit Modern në Manhatan ku do të hapet një ekspozitë e re e piktorit belg Rene Magritte.

Soros 83-vjeçar dhe e fejuara e tij Bolton 42-vjeçare do të zhvillojnë një ceremoni të vogël të shtunën në mëngjes në Bedford të Nju Jorkut, e cila do të ndiqet nga anëtarët e familjeve të çiftit,  përfshirë edhe pesë fëmijët e tij.
 
Ceremonia e martesës do të pasohet nga një pritje mbrëmjen e së shtunës me më shumë se 500 të ftuar në një qendër artesh.
 
Në këtë ceremoni do të marrin pjesë personalitete të botës, si Presidenti i Bankës Botërore Jim Yong Kim dhe disa udhëheqësve të huaj , duke përfshirë Toomas Hendrik Ilves - Presidentin e Estonisë; Ellen Johnson Sirleaf - Presidenten e Liberisë apo Edi Ramën - Kryeministrin e Shqipërisë.

Sorros dhe Bolton u takuan në një darkë në vitin 2008. Ajo ka ardhur nga Kalifornia dhe është e bija e një infermiereje dhe e një oficeri marine në pension; është diplomuar në Universitetin e Utahut dhe ka përfunduar një master në Universitetin e Miamit.

Për Sorros kjo do të jetë martesa e tij të tretë dhe për Bolton, e dyta.

Në vend të dhuratave nga pjesëmarrësit, çifti ka kërkuar që ato të dhurohen për bamirësi për disa institute fëmijësh, romësh etj.
 
Redaksia online
(ar.sh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

28 Nëntor, 12:34