Rama i përgjigjet Nishani: Votojmë
ligjet  që në seancën e parë

Kryeministri Edi Rama edhe një herë ka theksuar se do të votohen sërish ligjet e kthyera nga presidenti Bujar Nishani. 

Ndërsa kreu i shtetit ka dekretuar sot  kthimin në Kuvend të projektligjit për ndarjen administrativo-territoriale të vendit, Rama në një postim në rrjetin social Facebook, shkruan që në seancën e parë ligjet që janë kthyer do votohen sërish.
 
 
“Në seancën e parë të sesionit të ri shumica parlamentare do të zmbrapse dekretet verore të Presidentit”, shkruan shefi i qeverisë.

Më herët gjatë muajit presidenti Nishani ktheu tre projektligje të tjera, konkretisht ata që kishin të bënin me Policinë e Shtetit, Këshillin e Lartë të Drejtësisë dhe Gjykatën Administrative. Megjithatë, kryeministri Rama në reagimin e tij deklaroi se mazhoranca do t’i votojë sërish në Kuvend të gjitha ligjet e kthyera nga kreu i shtetit.






Redaksia Online
(g.f/shqiptarja.com)