POP 5

Lajmet më të lexuara të 5 minutave të fundit

Ekonomi

Rama inspekton punimet në zonën e plazhit, Shkëmbi Kavajës dhe Golem: Rilindja urbane rriti 30% vlerën e pronës

Rehabilitimi tërësor i hapësirës urbane në zonën e plazhit në Shkëmbin e Kavajës dhe Malin e Robit në Golem kanë rritur me 30% vlerën e pronave në këtë zonë dhe bizneset.  

Rama inspekton punimet në zonën e plazhit, Shkëmbi Kavajës dhe Golem: Rilindja urbane rriti 30% vlerën e pronës

Kryeministri Rama ka inspektuar punimet për rehabilitimin  e zonës së plazhit në Shkëmbin e Kavajës dhe Malin e Robit në Golem. Ky investim ka rritur me 30% vlerën e pronave në këtë zonë dhe bizneset. 

"Golem- Aty ku rilindja urbane ka ndryshuar rrënjësisht cilësinë e zonës turistike dhe rritur me 30% vlerën e pronës, bizneseve dhe turizmit në këtë zonë. Investimet do të vazhdojnë deri në integrimin e plotë të hapësirave publike, përgjatë gjithë vijës bregdetare" ka deklaruar Rama.

Jo shumë kohë më parë, ajo çka të ofronte zona e plazhit ishte një hapësirë e degraduar mes ujërash të zeza, pluhuri dhe balte, madje edhe përmbytjesh, sot është transformuar në një hapësirë të mirëorganizuar e funksionale rezidenciale, turistike dhe shërbimesh. Janë rikonstruktuar 5.5 kilometra rrugë të brendshme dhe rrugë dalëse në det në Shkëmbin e Kavajës dhe Malin e Robit, janë ndërtuar lidhje të reja me kolektorin e ujërave të zeza; disiplinimi i ujërave të bardha; krijimi dhe sistemimi e hapësirave publike; ndërtimi i trotuareve; krijimi dhe shtimi i sipërfaqeve të gjelbra; ndriçimi dhe ndërtimi e pikave të grumbullimit ditor të mbetjeve urbane. Po ashtu është bërë edhe sistemimi i Përroit të Durrësit që kalon në zonën e plazhit te Shkëmbi i Kavajës.

“Janë trajtuar me të gjithë elementët nga trajtimi i Përroit të Durrësit që është sistemuar, që ishte një histori ndotjesh të përhershme, tek të gjithë elementet e ndriçimit, trotuareve, detajet për njerëzit me aftësi ndryshe deri në daljen në det. Kjo ka qenë një zonë që mbytej, ishte baltë dhe sot që flasim vlerat e pronave është rritur me 30%, vlera e bizneseve është rritur dhe impakti në turizëm është domethënës,” – tha Dritan Agolli, drejtor i Fondit Shqiptar të Zhvillimit, realizues i këtij investimi. 

Investimet në zonën e plazhit janë shtrirë edhe në Golem, ku ka përfunduar ndërtimi i shëtitores në hyrje të kompleksit “Mak Albania” dhe kanalit kullues dhe rrugës që fillon nga rrethrrotullimi tek Mali i Robit deri në bregdet.

Impakti i këtyre investimeve ka qenë i menjëhershëm, sipas ministrit të Turizmit dhe Mjedisit, Blendi Klosi, duke nisur nga sezoni turistik i këtij viti, e shënjuar nga rritja e aktivitetit të bizneseve dhe cilësia e akomodimit të turistëve. 

“Nga ajo që kemi biseduar me të gjithë operatorët turistikë të kësaj zone, i gjithë shërbim i zonës është rritur me yll. Nëse konsiderohej zonë e lënë pas dore dhe shërbimet ishin tek 2 e 3 yje, tani në të gjithë restorantet, baret, lokalet e zonës janë kryer riparime dhe e gjithë zona mund të konsiderohet me shërbim 4 yje,  kjo edhe falë hoteleve që janë shtuar në këtë zonë,” – nënvizoi ministri Klosi.

Investimi tjetër në zonën e plazhit, shtoi ministri Klosi, do të jetë ndërhyrja në rrugën dytësore të Plepave, për ta kthyer në unazë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Koha për të përforcuar marrëdhëniet duke treguar ndjenjat me sinqeritet, horoskopi për sot

Koha për të përforcuar marrëdhëniet duke treguar ndjenjat me sinqeritet, horoskopi për sot

5 Nëntor, 07:09