POP 5

Lajmet më të lexuara të 5 minutave të fundit

Arkiva

Rama: Interesi i investitorëve të huaj për Shqipërinë është rritur ndjeshëm

TIRANE, 21 Gusht/ATSH/.- Kryeministri Edi Rama ftoi sot investitorët japonezë të zbulojnë potencialet që Shqipëria ofron në sektorë si bujqësi, turizëm, etj, ndërsa theksoi se interesi i investitorëve të huaj për vendin tonë është rritur ndjeshëm së fundmi, si rezultat i politikave mbështetëse të qeverisë shqiptare dhe lehtësive që garantohen për ta. Kryeministri Rama priti […]
TIRANE, 21 Gusht/ATSH/.- Kryeministri Edi Rama ftoi sot investitorët japonezë të zbulojnë potencialet që Shqipëria ofron në sektorë si bujqësi, turizëm, etj, ndërsa theksoi se interesi i investitorëve të huaj për vendin tonë është rritur ndjeshëm së fundmi, si rezultat i politikave mbështetëse të qeverisë shqiptare dhe lehtësive që garantohen për ta.
Kryeministri Rama priti sot në një takim Kryetarin e Dhomës së Përfaqësuesve të Japonisë, Bunmei Ibuki, i cili ndodhet për një vizitë zyrtare në vendin tonë së bashku me delegacionin parlamentar që e shoqëron.
Kreu i Qeverisë shqiptare vlerësoi marrëdhëniet shumë të mira që ekzistojnë mes Shqipërisë dhe Japonisë dhe shprehu angazhimin e qeverisë shqiptare që bashkëpunimi mes dy vendeve të njohë dimensione të reja në të ardhmen.
Nga ana e tij, Kryeparlamentari japonez vlerësoi progresin e bërë nga Shqipëria në fusha të rëndësishme dhe arritjet në konsolidimin e demokracisë e forcimin e shtetit ligjor. Zoti Ibuki u shpreh se kjo vizitë dhe takimet e përbashkëta do të shërbejnë për identifikimin dhe zhvillimin e hapësirave të reja bashkëpunuese në sektorë të ndryshëm. Ai theksoi se Japonia është e gatshme të mbështesë përmes projekteve të përbashkëta në fusha me interes për të dy vendet./m.m/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Observatori Sirian për të Drejtat e Njeriut: Rebelët kontrollojnë aeroportin e Aleppos

30 Nëntor, 17:35