Rama: Investimet i kemi bërë strategjike dhe jo politike, është më shumë se dyfishuar toka e punuar (VIDEO)

Kryeministri Rama deklaroi sot se shifrat e përmbytjeve krahasuar me vite më parë tregojnë se investimet janë bërë strategjike dhe jo politike.

"Shifrat nuk i tregojnë të gjitha se nuk është çështja që thjesht i kemi trefishuar investimet por edhe se ku kanë shkuar. Është investuar në mënyrë strategjike apo taktiko-politike siç ndodhte në të shkuarën për impakt elektoral.  Ne shohim këtu shifra se është investuar x për kanalet kulluese por nuk kemi gjetur asnjë kanal që të jetë zhbllokuar plotësisht. Kjo është arsyeja pse përmbytjet vinin për pak reshje por edhe donin javë të tëra të tërhiqej uji.

Sot krahasuar me 7 vite më parë Shqipëria ka më shumë sesa dyfishin e tokës së punueshme që punohet. Ishin 120 mijë hektarë që punoheshin sot po i afrohet shifrës së 270 mijë hektarëve. Është tregues i qartë se Shqipëria e punon tokën sot dhe jo më kot Shqipëria ka një numër rekord eksportesh bujqësore dhe patjetër jo më kot për herë të parë Shqipëria ka një ndryshim esencial në defecitin e vet tragtar. 7 vite më parë ishte 7 import dhe 1 eksport dhe sot jemi 3 me 1. Pse ndodh kjo? Sepse më shumë se gjysma e atyre që importoheshin është zëvendësuar me prodhimin vendas. Ky është fakt dhe jo opinion", tha Kryeministri.

Lajmi kryesor:

Përmbytjet/ Rama: Shifrat dhe faktet janë të pakrahasueshme me situatën në 2010! Bëmë investime strategjike jo politike si në kohën e PD (VIDEO)

K.T./b.ha./Shqiptarja.com

TAG:
• edi rama
• permbytje
• Ilir Meta
• niko peleshi
• bujqesia
• milva ekonomi
• investime
• permbytje 2021
• perm