Të gjithë mallrat nga Kosova do të vijnë në Shqipëri pa asnjë tarifë doganore! Kështu deklaroi kryeministri Edi Rama gjatë vizitës në disa biznese në Kosovë, ku ndodhet për mbledhjen e 8 të dy qeverive që do të mbahet ditën e nesërme në Prishtinë.
Rama dha premtimin se do të heqin të gjithë tarifat doganore, edhe nëse do të jenë të njëanshme pasi qeveria e Kosovës ka kërkuar kohë. Megjithatë nuk dha një datë se kur do të vihet në zbatim heqja e të gjitha tarifave doganore.
Rama tha se nuk ka kuptim që të hiqen tarifat doganore me Ballkanin e Hapur dhe jo me Kosovën. Kjo duket si një mënyrë që po përdor kryeministri për të afruar Kosovën në nismën e Ballkanit të Hapur.
“Të mos mbetemi vetëm në kuadrin e takimit zyrtar politik, por edhe me atë që janë motori që lëviz shoqërinë dhe jetën ekonomike. Faleminderit për pritjen. Bashkë me ministren po flisnim për rritjen e bashkëpunimin dhe shkrirjen e pengesave të kufirit. Ne kemi bërë dhe një plan e do ta vëmë në lëvizje që të heqim të gjithë tarifat doganore me Kosovën. Do i heqim plotësisht, dëshirën e kemi të jetë bilaterale me qeverinë e Kosovës por ne do ta bëjmë. Nuk ka kuptim t’i heqim me Ballkanin e Hapur dhe jo me Kosovën. Kështu ne do t’i heqim tarifat për gjithë çfarë do vijë nga Kosova, përjashto atë të skanimit se ajo është e trashëguar dhe s’lëviz, por në gjithë pjesën tjetër më nuk do të ketë më tarifa për të gjithë ata që do eksportojnë nga Kosova në Shqipëri. Edhe nëse qeveria e Kosovës do më shumë kohë për ta studiuar, ne do ta bëjmë”, tha Rama.
Gjatë vizitës në Gjakovë, Rama preku sërish çështjen e Ballkanit të Hapur edhe pranë sipërmarrësve në Kosovë duke thënë se secili do të marrë atë që i takon. Teksa fliste për portin e Durrësit, Rama duket se dha një mesazh të qartë duke thënë se ekonomia nuk mund të pengohet nga politika.
“Do të jetë një port rajonal për të për mos humbur potencialin e humbur gjatë këtyre viteve. Porti i ri është projekt i hartuar nga një prej kompanive më të rëndësishme. Ka një koncept të shtrirjes në dy anët, por i Durrësit dhe Prishtina. Ekonomia dhe ndërveprimi i sipërmarrjeve s’mund të jenë pengesë e çështjeve politike sado të jenë të rënda. Më vjen për të qeshur kur dëgjoj disa se thonë po na del Serbia në det. Sot ne pamë një ekselencë rajonale. Gruri është 40% që prodhohet këtu dhe 60% që vjen nga Serbia dhe një pjesë nga Hungaria. Cfarë do të thotë kjo? Që gruri i Serbisë nuk hahet dhe ky i joni hahet? Absolutisht jo.
Rama shprehu edhe interesin e qeverisë së Shqipërisë për sipërmarrësit e Kosovës duke thënë se në ekonomi duhen kampionët shqiptarë pavarësisht se investitorët e huaj janë vlerë e padiskutueshme.
“Shqipëria është në një fazë të rë zhvillimi dhe në një moment ku ja vlen që të investohet, posaçërisht në turizëm dhe patjetër dhe në të gjithë linjat e prodhimit por mbi të gjitha të përpunimit në fushën e ushqimit. Ne jemi të interesuar që të ketë një pjesëmarrje më të madhe të sipermarrjes së shqiptarëve të Kosovës në Shqipëri sepse pavarësisht se investitorët e huaj janë vlerë e padiskutueshme ne na duhen në ekonominë tonë kampionët shqiptarë”, tha Rama.
Ditën e nesërme 20 qershor, Kosova dhe Shqipëria do të mbajnë mbledhjen e 8-të të përbashkët qeveritare, ku pritet firmosja e disa marrëveshjeve.
Report Tv me gazetarin Ermal Qori kanë zbardhur axhendën e plotë të kryeministrit Edi Rama, ku mësohet se gjithçka pritet të nisë në orën 11.15, për të vijuar me fjalë të mbajtur nga 2 kryeministrat, Edi Rama dhe Albin Kurti, e më pas nga anëtarë të dy kabineteve për të parashtruar çështjet kryesore dhe marrëveshjet për nënshkrim.
Pas ceremonisë së nënshkrimit të marrëveshjeve, do të ketë edhe një konferencë të përbashkët për shtyp. Përveç takimit zyrtar, Rama përgjatë pasdites së të dielës do të ketë edhe një vizitë në fshatin Burojë të Skenderajt. Kreu i qeverisë do të vizitojë familjen e ish-presidentit, ish-kryeministrit dhe ish-udhëheqësit të Ushtrisë Çlirimtare të Kosovës, Hashim Thaçi, i cili ndodhet në paraburgim në Hage.
Mbledhja e fundit ka qenë në muajin nëntor të vitit të kaluar, ku Shqipëria dhe Kosova nënshkruan 13 marrëveshje të reja në mbledhjen e përbashkët e dy qeverive në qytetin e Elbasanit.
Kryeministri Edi Rama vizitoi familjen e Thaçit në Burojë të Skenderajt.
Ai u mirëprit nga familjarët, të cilët i dhuruan Kryeministrit një qeleshe dhe flamurin e UÇK-së . Ndërsa Rama dhuroi një statujë të Skënderbeut.
Kryeministri Rama, teksa po merte qeleshne, duke i falënderuar për dhuratën, nuk kurseu as batutat gjatë momentit kur e vendosi në kokë.
“Unë e kam kokën sa dyfishi, megjithatë do e mbaj”, tha Rama.
Kryeministri Edi Rama, ka arritur në Burojë të Skenderajt, për vizitë tek familja e ish-presidentit Hashim Thaçi, i cili ndodhet në Hagë. Rama ka takuar me familjarët e Thaçit, por edhe kryetarin e Skenderajt, Fadil Nura dhe nënkryetarin Sami Lushtaku.
Gjatë vizitës në familjen e Hashim Thaçit, kryeministri Edi Rama tregoi gjendjen e ish presidentit kur e takoi në paraburgim në Hagë.
“Isha tek Hashimi e vizitova. Mu duk shumë mirë, jeni të fortë ju, të ka ngjarë ty”, i tha Rama babait të Hashim Thacit.
Më pas vijoi duke treguar: “Ai tha me shëndet jam mirë, por dhe me humor ishte mirë, lexonte shumë, bënte stërvitje. Aty ishte një pikë ku thuhej; arsyeja e vizitës; unë shënova: “Më ka marrë malli, e kam si vëlla”, tha kryeministri Rama.
Kryeministri Edi Rama ka zbuluar marrëveshjen që duhej të firmosej ditën e nesërme por u shty nga ana e Kosovës.
“Ka shumë kompani që përdorin në mënyrë intensive portin e Durrësit. Ne duam të kemi një marrëveshje me qeverinë e Kosovës sic e kemi në Ballkanin e Hapur për të pasur korridoret e gjelbra të operatorëve ekonomikë të autorizuar, të cilët kalojnë pa asnjë ndalesë. Edhe për këtë na duhet të kemi një marrëveshje. Për këtë duhej të firmosej nesër dhe nuk e di për çfarë arsye u shty nga ana e qeverisë së Kosovës.
Pavarësisht kësaj duhet ta bëjmë një orë e më parë këtë gjë. Kemi sjellë me vete projektin e ri të portit të Durrësit që është konceptuar si port i përbashkët që ose duhet të jetë rajonal me rëndësi të dorës së parë ose ne humbasim një potencial të madh siç e kemi humbur për dekada të tëra”, tha Rama.
Kryeministri Edi Rama ka zbuluar ministrat që e shoqërojnë për mbledhjen e 8 të përbashkët të qeverive Kosovë-Shqipëri që do të mbahet ditën e nesërme në Prishtinë.
Gjatë vizitës në një biznes, nuk mungoi batuta e tij për Elisa Spiropalin, duke thënë se ka ministren për Parlamentin nëse ka pyetje specifike për Skënderbeun.
“Duke qenë se kohët e fundit kam pasur privilegjin të kem kontakte me disa prej jush dhe kam vënë re se nga njëra anë ka dëshirë të madhe për të investuar në Shqipëri, nga ana tjetër ka mungesë informacioni lidhur me kushtet për sistemin fiskal apo që kanë të bëjnë me nxitjen e investimeve në turizëm, mendoj që do ishte e udhës ta shfrytëzoja këtë rast dhe për të folur disa fjalë me ju.
Në rast se do të duhen përgjigje teknike, kam marrë Ministren e Financave, ministren e Zhvillimit Rural, ministren e turizmit dhe mjedisit duke pasur parasysh që janë fusha me interes për ju. Kam marrë dhe Ministren për Parlamentin nëse keni pyetje specifike për Skënderbeun”, tha Rama.
Kryeministri Edi Rama preku çështjen e Ballkanit të Hapur edhe pranë sipërmarrësve në Kosovë duke thënë se secili do të marrë atë që i takon. Rama tha se Ballkani i Hapur krijon hapësira për të gjithë dhe zgjeron frymëmarrjen ekonomike ndaj nuk mund të trajtohet si instrument që do ta marrë Serbia tregun. Teksa fliste për portin e Durrësit, Rama tha se ekonomia nuk mund të pengohet nga politika.
“Do të jetë një port rajonal për të për mos humbur potencialin e humbur gjatë këtyre viteve. Porti i ri është projekt i hartuar nga një prej kompanive më të rëndësishme. Ka një koncept të shtrirjes në dy anët, por i Durrësit dhe Prishtina. Ekonomia dhe ndërveprimi i sipërmarrjeve s’mund të jenë pengesë e çështjeve politike sado të jenë të rënda. Më vjen për të qeshur kur dëgjoj disa se thonë po na del Serbia në det. Sot ne pamë një ekselencë rajonale. Gruri është 40% që prodhohet këtu dhe 60% që vjen nga Serbia dhe një pjesë nga Hungaria. Cfarë do të thotë kjo? Që gruri i Serbisë nuk hahet dhe ky i joni hahet? Absolutisht jo.
Është shumë për të qeshur dhe për të qarë kur Ballkanin e Hapur, e trajtojnë si një instrument që do marri Serbia tregun. Por, po të shikosh volumin tregtar të Serbisë, rritjen më të madhe e ka këtu. Pavarësisht gjithë pengesave, problemeve dhe gjithë marrëdhënieve që janë dhe në këtë rast përgjegjësia është në anën e Serbisë është në anën e Kosovës. Praktikisht volumi më i madh tregtar është këtu dhe rritja më e madhe është këtu dhe rritja më e madhe është këtu.
Pra, nuk është çështja se Ballkani i Hapur do bëjë ndonjë gjë tjetër përveç se do krijojë hapësirë shumë më të madhe për të gjithë. Do të zgjerojë shumë me tepër frymëmarrjen e ekonomike për të gjithë, dhe secili do të marri pjesën e vet të asaj që i takon. Ti nuk mund të nisesh si e si të pengosh tjetrin, pavarësisht se për vete mund të vuash shumë më tepër. Ti duhet të nisesh si e si të fitosh për vendin tënd, pastaj të tjerët të fitojnë pjesën e tyre. Kjo nuk është diçka që duhet ta pengosh, apo që do duhej të ishte shqetësimi yt fare. Sa më mirë të jenë ekonomikisht fqinjët, aq më mirë shkojnë punët edhe në drejtimin politik”, tha Rama.
Komente
Lajme të tjera
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21
Boll me keto mbledhje te kota, sot Kosova udhehiqet nga qeveria e kafsheve.
PërgjigjuKryeministri po perpiqet ta bind kosoven qe te behet pjese e open balkan po mbi te gjitha do qe kosova te zhvillohet. Open balkan do e ndihmoj shume dhe kosoven
PërgjigjuEkonomia eshte primare ne zhvillimin e vendit. Kryeministri yne ka menduar dhe per zhvillimin e kosoves dhe asnjher se le pas dore
PërgjigjuNese nuk hapet tregu punes BE- western Balkans me marrveshje brenda 2023-2024 ska me zhvillim vetëm veto , konflict etj Tregu punes kapitali invesimet etj mes BE - western Balkans block duhet të bëhet ndryshe ska asgje të re
PërgjigjuShpresoj qe dhe kosova te futet ne ballkanin e hapir pasi vetem te mira do ket nga hyrja e saj aty
PërgjigjuPervecse vendin tuaj jeni duke ber pafund dhe per kosoven respekte
PërgjigjuMe vjen mire qe tregon dhe njeher qe je njeri qe i ndihmon te tjeret
PërgjigjuIshalla dhe Kosova futet ne Ballkanin e hapur se do kete mjaft perfitimee
PërgjigjuRama po i ndihmon shume kosovaret
PërgjigjuShpresojme qe dhe Kosova te futet ne Ballkanin e Hapur se do kete shume te mira
PërgjigjuQëkur ke bo mledhjen e parē e deri tani i ke heq 8 herë tarifat doganore e 8 herë ke bo lëvizjen e lirë. Kjo gjithmon sipas pikpamjes tate kuptohet se ne sa herē kemi kalu në kufi po i njëjti problem ... Kjo heqja tarifave doganore u bo si puna çeljes sē negociatave kur zotnia jote hudhi ene fishekzjarre. Gjithsesi fati jot i mirë që ske kundërshtar o "Mret" e bo ça të doj qefi ty
PërgjigjuBallkani i hapur do te na ndihmoj te gjitheve dhe do te na hapi shume rruge bashkepunimi gjithashtu e sigurt qe do te na hape mundesi punesimi dhe do te rrise ekonomine e vendit.
PërgjigjuÇa thu mi Anila?? Mundësi punësimi ku? Serbi?Maqedoni?Mal tē Zi apo Bosnje? Ku nga kto vene meno ti se do ngelin më shumë lek në fund tē muajit?? Më mir në Shqipni në vendin tënd se sa rrugve ish jugosllavisë.puno në Shqipni e je më mir se sa tē gjith kzo vene bashk apo meno se ta pagu serbi shpin po punove në serbi?
Uroj qe Kosova te bashkohet me ne ne ballkanin e hapur sepse duhet te punojme per te rritur suksesin. Rruget e bashkepunimit duhet te rriten midis nesh.
PërgjigjuKeshru tregojme qe me kosoven do te jemi akoma me te aferta duke bere dhe shkembime mallrash me lehte
PërgjigjuMe vjen more qe dicka e tille do te behet e mundur pasi keshtu levizshmeria e mallrave mes dy vendeve do te jete me e lehte
PërgjigjuShpresojm dhe kosova te bashkohet me ballkanin e hapur ne menyre qe te kemi sa me shume lehtesira te tilla dhe marredhenia shqiperi kosov do forcohej akoma me shume
PërgjigjuJa kush po punon per kete vend duke na sjell lehtesira te shumta si kjo e heqjes se tarifave doganore me Kosoven
PërgjigjuJu keni krijuar nje ure komunikimi mes cdo shteti te ballkanit dhe kosova do jete pjese e pandare e jona bravoo nje nisme e bukur
PërgjigjuNje premtim fantasik dhe nje inspirim per cdo ndermarrje tregtare qe tashme nuk ka nevoje te paguaj per te eksportuar prodhimet e tyre
PërgjigjuKeto mardhenie me Kosoven nje gje pozitive!Dhe Rama po ben shume pune te vecanta
PërgjigjuGjithmone vetem pune te duhura Rama per vendin tone
PërgjigjuLe te shpresojme qe neser te shkoje takimi mbare me vendime e organizime pozitive per te gjithe ne ! Z.rama kemi besim te ju
PërgjigjuNje gje mjaft e mire gje qe do e lehtesoj akoma dhe me shume lamin e mallrave dhe transporteve te ndryshme ne kete kohe krize qe jemi
PërgjigjuKy vendim eshte nje vensim me nje peshe teper pozitive! Ndihmon shume ne marredheniet mes Shqiperise dhe Kosoves!
PërgjigjuNje gje qe do na bashkoj akoma dhe me shume me vllerzrit tan kosovar me behetbqefi zoti kryeminiser qe kosova nik eshte laguar asdhe nje moment nga vemendja jujaj
PërgjigjuMe shprese se kosova ti bashkohet nismes se ballkanit te hapur sepse ajo sjell perfitime te medhaja dhe njihet akoma dhe me shum nga shtetet e tjera pervec kesaj falenderojme z.kryeminister per kete lajm qe ai dha gjithmone mendon per te miren e vendeve
Përgjigjubravo te qoft ty eshte ai qe duam jo non gradad qe vetem lapa lapa bejn e nuk nxjerrin asnje gje ne drite
PërgjigjuJu falenderojme z.kryeminister qe mendoni dhe per vllezerit tane heqja e tarifes doganore esht nje gje shum e mire
Përgjigju