Rama kërkoi njohjen e Kosovës në Asamblenë e OKB-së, reagon kryeministrja serbe: Deklarata të tilla nuk janë të mira për sigurinë rajonale

Rama kërkoi njohjen e Kosovës në Asamblenë e OKB-së, reagon kryeministrja serbe: Deklarata të tilla nuk janë të mira për sigurinë rajonale

Edi Rama dhe Ana Brnabiç

Kryeministrja e Serbisë, Ana Brnabiç i është përgjigjur deklaratës së kryeministrit Edi Rama gjatë Asamblesë së OKB-së ku iu kërkoi 193 vendeve pjesëmarrëse që të njihni pavarësinë e Kosovës.

Në një deklaratë për median serbe Tanjug, Brnabiç është shprehur se deklarata të tilla nuk janë të mira për sigurinë rajonale. Ndërkohë ajo ka cituar edhe Antonio Guterres, sekretarin e përgjithshëm të OKB-së, i cili i ka thënë se ata nuk e konsiderojnë Kosovën shtet.

" Përgjigja më e mirë u dha nga Sekretari i Përgjithshëm i OKB -së, Antonio Guterres, në fjalinë e parë ai më tha se Kosova nuk është shtet për ne. Kjo është përgjigja më e mirë diplomatike", tha Brnabic.

Kryeministri Edi Rama, në fjalën e tij mbrëmjen e djeshme në Asamblenë e Përgjithshme të OKB-së, kërkoi njohjen e Kosovës. Rama tha se asambleja e OKB-së nuk është e plotë dhe s'do të jetë e plotë pa Kosovën.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali