Rama kujton grabitjen e 4.6 milionë eurove në Rinas: Sot jemi më të sigurtë, është shtuar numri i punonjësve të sigurisë

 

Kryeministri Edi Rama ka kujtuar grabitjen e 4.6 milionë eurove në aeroportin e Rinasit, ngjarje e ndodhur më 9 prill 2019. Nga Rinasi thotë se ishte skandaloze dhe erdhi si rezultat i mosplotësimit të standardeve të sigurisë. Kështu njoftoi se është rritur numri i punonjësve të sigurisë në aeroportin e Rinasit që garanton edhe cilësi shërbimi për pasagjerët.

“Edhe siguria e mbajmë mend të gjithë me shqetësim e revolt skandalin e futjes deri në pistë të një bande e cila u vu prapa hekurave si rezultat i mosplotësimit të standardeve të sigurisë nga kompania që operonte aeroportin më parë. Kështu ndodh në të gjitha vendet. Policia bën simulimet e nevojshme, jep sugjerimet, identifikon pikat kritike dhe asiston operatorët në marrjen e masave të sigurisë. Sot jemi shumë më tepër të sigurt në mënyrë se si operohet ashtu sikundër falë një plani pozitiv dhe gatishmërisë së operatorit për ta zbatuar, është shtuar numri i punonjësve të sigurisë këtu. Kjo bëhet për rritje të cilësisë së shërbimit për pasagjerë”, tha Rama.

LEXO EDHE:
Kryeministri spanjoll mendon dorëheqjen ndërsa bashkëshortja akuzohet për korrupsion, Rama: Mos u dorëzo, e vërteta do mbizotërojë

Lajmi kryesor:

Rama: Nga 1 gushti, qytetarët shqiptarë nuk do të kenë kontakt me policin që i sheh në sy kur kalojnë pasaportën! Procesi i ri zgjat më pak se 30 sekonda

A.M./Shqiptarja.com

TAG:
• edi rama
• aeroporti i rinasit
• pasaporta
• belinda balluku
• Tirane