POP 5

Lajmet më të lexuara të 5 minutave të fundit

Politikë

Rama: Lekët e rrugëve u zhbllokuan,
tani ndërtime me standarde

Kryeministri Edi Rama gjatë inspektimit të rrugës Tiranë-Elbasan theksoi se në Shqipëri nuk duhet të ketë më vepra infrastrukturore pa standarde bashkëkohore.
Rama: Lekët e rrugëve u zhbllokuan,<br />tani ndërtime me standarde
TIRANE- Kryeministri Edi Rama gjatë inspektimit të rrugës Tiranë-Elbasan theksoi se në Shqipëri nuk duhet të ketë më vepra infrastrukturore pa standarde bashkëkohore. Rifillimin e punimeve në këtë segment, Kryeministri Rama e konsideroi si “nisjen e zhbllokimit të kantiereve”, porse problematika në ndërtimin e veprave publike është edhe më thellë, sesa thjesht bllokimi i tyre për shkak të borxheve të krijuara, por ka të bëjë me mungesën e standardeve që në fazën e projektimit. “Zhbllokimi i kantiereve të mbetura peng në zinxhirin e borxheve ka nisur, por është vetëm njëra pjesë e problemit me të cilin ne përballemi sot.

Pjesa tjetër e problemit janë projekte mizerabël, pa standarde, pa specifikime dhe pa asnjë qasje bashkëkohore, në kushtet kur qytetarët e këtij vendi dhe ky vend meritojnë shumë më tepër. Kjo do të thotë që ne, nga njëra anë do të bëjmë çmos që gjithë këtë punë të sapo nisur ta vendosim në shinat e duhura të respektimit të afateve dhe cilësisë dhe nga ana tjetër, të mund të rehabilitojmë çfarë është e mundur, në kushtet kur tanimë një pjesë e gjërave janë të palëvizshme, sepse projektet janë bërë dhe punët janë bërë shatra-patra, siç ishte zakoni,”- u shpreh Kryeministri.

 Gjatë këtij inspektimi kreu i ekzekutivit shqiptar u njoh edhe me volumin e punimeve nga ku theksoi se në të gjitha ndërtimet infrastrukturore do të bëhen duke zbatuar rigorizisht të gjitha standardet e punës, që ka kushtet e sigurisë deri tek niveli i punimeve. “Kjo është një rrugë shumë e rëndësishme, qoftë për kryeqytetin e Shqipërisë, qoftë edhe për gjithë sa thashë, në funksion të ndërtimit të një modeli të ri dhe të një qasjeje tërësisht të re, për sa i përket infrastrukturës.

Besoj që në përfundim, të gjithë do të jemi në gjendje të bëjmë dallimin dhe në të njëjtën kohë do të kemi vënë një gur themeli në një rrugë të re të projektimit, të zbatimit, të monitorimit dhe në fund fare, të përputhjes së shpenzimeve që bëhet me paratë e shqiptarëve, me ambicien e shqiptarëve për të pasur rrugë evropiane dhe jo një vend mes Evropës, ku rrugët janë faqja më e zezë,” - nënvizoi Kryeministri.


Shkrimi u publikua sot (08.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kina dhe Rusia kryejnë patrullim të përbashkët ajror mbi Detin e Japonisë

Kina dhe Rusia kryejnë patrullim të përbashkët ajror mbi Detin e Japonisë

29 Nëntor, 11:32