POP 5

Lajmet më të lexuara të 5 minutave të fundit

Arkiva

Rama: Luftë kundër ndërtimeve pa leje dhe abuzimeve të vendorëve

TIRANË - Kryeministri Edi Rama ka theksuar sot se lufta policore kundër ndërtimeve pa leje do të jetë në të njëjtën përmasë me luftën kundër drogës.
Në një postim në rrjetin social "Twitter", Rama shkruan se "Lufta policore kundër ndërtimtarisë pa leje, me të njëjtën përmasë e seriozitet si lufta kundër drogës! Shkatërrimi e shëmtimi do të ndalen".
Gjithashtu Kryeministri Rama në një tjetër postim thekson se do të ndalet edhe abuzimi me pushtetin i autoriteteve vendore.
"Do të ndalet medoemos edhe abuzimi i frikshëm me pushtetin i autoriteteve vendore që kanë dhënë leje në shkelje të ligjeve e planeve vendore", shkruan Kryeministri Rama në rrjetin social "Twitter".
Rama në mbledhjen e KKT: Pezullohen lejet e reja dhe planet e detajuara vendore
Dje në mbledhjen e Këshillit Kombëtar të Territorit, Kryeministri Rama u shpreh se "duhet parandaluar shkatërrimi i burimeve natyrore duke pezulluar lejet e reja dhe planet e detajuara vendore".
Po ashtu, kryeministri paralajmëroi se do të ndiqen penalisht të gjithë abuzuesit dhe shkelësit e ligjit në mbrojtje të burimeve natyrore.
Kryeministri Rama bëri të ditur se në mbledhjen e Këshillit Kombëtar të Territorit u morën vendime me rëndësi strategjike për të ndalur duar autoritetesh vendore që në emër të ligjit, i hapin rrugë barbarisë dhe paligjshmerisë mbi territorin.
"Në mbledhje u vendos të çelen praktika konkurimi ndërkombëtar për projektet
Projekti 1: Hapësira Tiranë - Durrës, Ura e Metropolit të Ri të Shqipërisë
Projekti 2: Kurora e Tiranës, Frymëmarrja e Metropolit Shqiptar
Projekti 3: Rigjenerimi i Vijës Bregdetare Uji i Ftohtë - Palasë
Projekti 4: Himara dhe Yjësia e Vendbanimeve përreth, Një model i Ri Rikualifikimi Urban
Projekti 5: Hapësira Sarandë - Ksamil, Një Rrugë e Re Zhvillimi Turistik", shkruan Kryeministri.
Sipas Kryeministri Rama "lufta kundër ndërtimeve të paligjshme dhe po ashtu kundër lejimit të vazhdës së masakrës mbi territor përmes lejesh abuzive e antiligjore, hyn në një fazë të re". /ATSH/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dita e Falenderimeve në SHBA, videoja nga AI: Trump del nga gjeli i detit dhe prish festën e Biden

30 Nëntor, 17:18