Drejtori i Përgjithshëm i gjigantëve bavarezë, Bayern Munchen, Karl Heinz Rummenige ka ftuar kryeministrin Edi Rama në “Allianz Arena”, për të ndjekur ndeshjen e kampionëve të Gjermanisë.
 
Kryeministri Edi Rama është ftuar nga legjenda e futbollit gjerman Karl Hainz Rumenige që të ndjekë ndeshjen mes bavarezëve dhe “aspirinave” të Leverkusenit.

"Ehe pse jo “bajernist” kam privilegjin të jem sonte i ftuar nderi i Bajernit te Mynihut. Faleminderit per respektin Karl-Heinz Rummenige!", shkruan Rama në rrjetet sociale. 
 
Kujtojmë që Rama është nisur sot për një vizitë zyrtare në Berlin ku do takohet me kancelaren Merkel, ku temë diskutimi do jetë procesi i integrimit të Shqipërisë.

Redaksia Online
l.q/Shqiptarja.com