POP 5

Lajmet më të lexuara të 5 minutave të fundit

Politikë

Rama: Në Berlin për negociatat, me ata që sajuan sëmundjen shihemi në gjyq

Rama u shpreh sot se në Berlin ishte për të lobuar për hapjen e negociatave. Ai u shpreh se i mëshiron të gjithë ata që nxituan të deklaronin se është sëmurë dhe do ti dërgojë në gjyq për shpifje. Nesër Partia Socialiste do të zhvillojë Kongresin elektoral, ku kjo forcë politike do të ndezë motorët zyrtarisht drejt zgjedhjeve të 30 qershorit.

Kryeministri Edi Rama ka shpjeguar arsyet e vizitave në Paris dhe Berlin në ditët e fundit, ndërsa ka njoftuar se ata që sajuan lajmin se ndodhej në spital i sëmurë do i dërgojë në gjyq. Kreu i qeverisë deklaroi përmes rubrikës 'Përgjigja Ime' në Facebook se në Berlin takoi miq të Shqipërisë në Bundestag për t'u kërkuar mbështetje për hapjen e negociatave në qershor dhe për t'u njohur me situatën e brendshme politike në vendet kryesore që kanë në dorë fatin tonë. Rama u shpreh se i mëshiron të gjithë ata që nxituan të deklaronin se është sëmurë dhe do ti dërgojë në gjyq për shpifje mediat.

"Mirëdita dhe gëzuar Sulltan Novruzin. Në fund të ditës idetë për politikë mund të na ndajnë, por gjaku na bashkon si shqiptarë. Sikur e shihni jam mirë, nuk jam në spital në Berlin, por zyrë në Tiranë. Njerëz jemi edhe mund të sëmuremi, por ky nuk ishte rasti im këto ditë. Në Berlin isha për hall, por jo për shëndetin tim, por për t'u shpjeguar partnerëve dhe miqve arsyet e pamjeve të shëmtuara të kundërshtarëve që eksportojnë nëpër botë nga protestat e tyre dhe për, përse t'u kërkuar mbështetje për çeljen e negociatave dhe për të kuptuar më shumë për situatën politike të brendshme në vendet kyçe për negociatat mbi vendimmarrjen. Ishte vizitë jo zyrtare, me ish-presidentë, ish-kryeministra dhe bisedat në Bundestag me përfaqësues të nderuar të partisë kryesore të koalicionit qeverisës.

Mos bërja e emrave të tyre është pjesë e etikës së një vizite joformale, që i kam kërkuar vetë pa media në kushte konfidencialiteti për të pasur maksimumin e lirisë së pikëpamjeve të informacionit. Fatkeqësisht shumë miq këtu në Shqipëri dhe jashtë, që qeshën me këtë historinë e sëmundjes dhe spitalit në Berlin u shqetësuan nga lajmi i atakut tim në zemër sajesë e kazanit të opozitës tonë rrugë humbur, kjo do të thotë të prekësh fundin.

Kjo do të thotë që të mos kesh më alternativë, por as njerzillëkun, që dallon njerëzit nga kafshët. Kur njeriu e humb këtë është një egërsisë që ia kalon cdo kafshe. Me keqardhjen për shqetësimin që është krijuar, nuk më mbetet gjë tjetër veçse ti mëshiroj ata që e sajuan këtë histori do u kërkoj që të përgjigjen në gjyq dhe të paguajnë dhe të përgjigjen. Një Qim Kadri i spikatur që flet në emër të udhëheqjes tuaj tregon se unë qenkam shtruar në Gjermani në spitalin me emrin Mustafa Rama, me një emër fals dhe me mbiemrin tim, për të qeshur për mua dhe për të qarë për ju. Udhëheqësit tuaj dritëshkurtër dhe pa të ardhme" tha ai.

Nesër Partia Socialiste do të zhvillojë Kongresin elektoral, ku kjo forcë politike do të ndezë motorët zyrtarisht drejt zgjedhjeve të 30 qershorit. Rama ftoi të gjithë qytetarët që të ishin në sheshin 'Nënë Tereza' ndërsa 'thumboi' opozitën për bashkitë që drejton.

"Sot po përgatitem për Kongresin nesër, iu ftoj të vini në orën 12:00 në sheshin Nënë Tereza, për ciklin bashkia që duam për Tiranën. Nesër është dita e ndezjes së motorëve elektoralë për të gjitha bashkitë. Ne jemi gati të bëjmë atë që dimë, shumë më shumë, rruga e ndryshimit është e hapur dhe e prekshme, por edhe kudo që duam ta hapim në bashkitë e shkreta që kanë mbetur peng i kundërshtarëve tanë, por do të flasim nesër më gjatë dhe më gjerë.  Nesër do të shihemi nga Kongresi i fitores së qershorit që po vjen"  përfundoi ai.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qimi: 22/03/2019 23:00

    Nuk ka faj Qimi qe shpif o Edi se e falet ju per vrasjen qe beri me dashje, gjoja aksident me makine. Tani durojeni ish gazetarin e Fahri Balliut qe ben dhe si anal ist i madh.

    Përgjigju
  • Hajriu: 22/03/2019 22:00

    Rumbullakosja e gishtrinjeve qe Rama tregon ne piktura jane te ngjashme me diktatoret me te rrezikshem ne HISTORINE e diktatoreve

    Përgjigju
  • eni: 22/03/2019 17:45

    po ti mire qofsh perhere o bos.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14