POP 5

Lajmet më të lexuara të 5 minutave të fundit

Politikë

Rama në Vlorë mbledh qeverinë
Nesër takim me drejtorët rajonalë

Sot në mesditë Rama mblodhi ministrat  e kabinetit qeveritar në Hotel ‘Partner’ në Vlorë. Në Lushnje vizitoi linjën e ambalazhimit dhe tregtimit të produkteve bujqësore, ‘Green Al’.
VIDEO/Rama mbledh ministrat në Vlorë
Rama në Vlorë mbledh qeverinë<br />Nesër takim me drejtorët rajonalë
VLORE - Kryeministri Edi Rama ka udhëtuar drejt jugut në një fundjavë intensive. Sot në mesditë Rama mblodhi ministrat  e kabinetit qeveritar në Hotel ‘Partner’ në Vlorë.

Mbledhja informale nisi mesditën e sotme. Nesër Kryeministri Rama do të mbajë edhe një takim me drejtorët e drejtorive rajonale në Vlorë.

Para se të shkonte në Vlorë Rama i shoqëruar edhe nga Ministri i Bujqësisë Edmond Panariti u ndalën në Lushnje, ku vizituan linjën e ambalazhimit dhe tregtimit të produkteve bujqësore, ‘Green Al’.

Kryeministri Rama e cilësoi këtë nismë si lokomotivën e prodhimit bujqësor. Ai  tha se kjo do të sigurojë mbështetje për prodhuesin dhe punësimin, ndërsa shtoi se qeveria që ai drejton synon t’i japë zhvillim bujqësisë dhe jo thjesht mbijetesë.

“Kjo nismë është lokomotiva e prodhimit bujqësor pasi është një qasje e re. Ne duam jo të hedhim para për të mbështetur mbijetesën po të mbështesim prodhuesin dhe punësimin si dhe të sigurojmë mbështetjen për të gjithë ata si ju që duan të shtojnë përpjekjet. Duhet të kalohet nga bujqësia e mbijetesës në zhvillim.”  tha në fjalën e tij kryeministri.

Ndërkaq Panariti theksoi: “Në fondet që janë caktuar nga buxheti i shtetit për bujqësinë 60% e tyre janë caktuar për të mbështetur këto investime.”

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Gjermania do të ridislokojë sistemet e mbrojtjes ajrore Patriot në Poloni

Gjermania do të ridislokojë sistemet e mbrojtjes ajrore Patriot në Poloni

29 Nëntor, 16:22