Rama nga Kavaja ironizon opozitën: S’merren drutë me qen kur ka alamet gomerësh si ne

 

Kryeministri Edi Rama i cili ishte mëngjesin e kësaj të shtune në Kavajë për hapjen e fushatës zgjedhore, nuk i kurseu batutat duke u shpjeguar qytetarëve se pse sipas atij duhet të votojnë kandidatin e Partisë Socialiste.

Rama bëri një krahasim se të zgjidhje opozitën për të zgjidhur problemet e Kavajës ishte si të merrje ngarkesën e druve me qen.

“Të shkosh të ngarkosh dru, të kesh alamet gomerësh si puna jonë e të marrësh qen të ngarkojnë dru, nuk bën vaki. Qeni nuk ngarkon dot dru. Se në vend të ngarkosh dru ha edhe ndonjë kafshim pastaj. Kjo është historia e thjeshtë, kush i ngarkon drutë dhe kush i çon në vend. Për këtë është vota. për këtë i thonë popullit sovran, se sovrani, mbreti merr shërbëtor në punë”,-tha kryeministri Rama.

Lajmi kryesor:

'Vendoret'/ Rama në Kavajë: O demokratë është mbytur anija, pala tjetër funksionon si bandë grabitqarësh, kush ia jep votën shkon mbrapa

M.Q./r.k./Shqiptarja.com

TAG:
• erion veliaj
• Redjan Krali
• Tirane
• kavaje
• edi rama
• zgjedhjet vendore 2023