Kryeministri Edi Rama u është rikthyer sërish akuzave të opozitës për projektin e Portit të Durrësit. Kreu i qeverisë thekson se ky është investimi më i madh ne rajon dhe se do t’u shërbejë durrsakëve që të shohin fytyrën e vërtetë të armiqve të së ardhmes së Durrësit. Kreu i qeverisë duke ju drejtuar qytetarëve të Durrësit, iu bën me dije se tashme ato mund të shohin fytyrën e armiqve të së ardhmes.
‘Armiqësia kundër investimit më të madh në rajon,i cili do ta transformojë Durrësin në një ndër destinacionet kryesore turistike të Mesdheut, duhet t’iu shërbejë të gjithë durrsakëve për të parë fytyrën e armiqve të së ardhmes së Durrësit; o me Durrësin në majë o me ata në plehra!’- shkruan Rama.
Kryetari i Grupi Parlamentar në Partinë Demokratike, Enkelejd Alibeaj i është përgjigjur kryeministrit Edi Rama duke i cilësuar si pallavra investimet, ndërsa thekson se qeveria po vjedh pasuritë publike të qytetarëve shqiptar, që t'ua dhurojë miqëve dhe klientëve.
Ndezjen e debatit për ndërtimin e Portit të Durrësit e shkaktoi kërkesa e qeverisë për të kaluar marrëveshjen ne Kuvend me procedurë të përshpejtuar. Opozita akuzon qeverisë së pas projektit për ndërtimin e projektit të Durrësit, fshihet një aferë korruptive, kriminale dhe mafioze, ndërsa kërkojnë më shumë transparencë nga qeverisë na lidhje me projektin. Dy liderët e opozitës Ilir Meta dhe Sali Berisha bëjnë vazhdimisht dalje publike dhe me të njëjtat argumente sulmojnë këtë projekt duke e cilësuar aferë korruptive të kreut të qeverisë.
Memorandumi i bashkëpunimit për ndërtimin e Portit të Durrësit u nënshkrua më 11 gusht në praninë e kryeministrit Edi Rama dhe zhvilluesit me famë botërore Muhammed Alabbar. Investimi për ndërtimin e këtij porti është 2 miliard dollarë. Në projekt përfshihet edhe ndërtimi i Portit të Thatë që do sjellë ndërtimin e hekurudhës që lidh Durrësin me Prishtinën, i cili është parashikuar të ketë një terminal, ku do përpunohen 100 mijë kontejner deri në 2050.
Kandidati për Primaret në Durrës, Igli Cara ka reaguar sot sa i përket projektit të Portit të Durrësit.
Sipas tij, kryeministri ka falur 3.8 miliardë euro në këmbim të asgjëje.
“Zot fale se nuk di se çfarë thotë!
Reagimi i Ramës, në rastin më të mirë është për të ardhur keq!
Rama, që vetë firmos dhe vetë vulos pranon faktin që jemi në plehra, duke harruar që është prej rreth 10 vitesh në krye të qeverisë.
Të falësh 3.8 miliardë euro, në këmbim të pothuaj asgjëje, nuk eshtë të qëndrosh në plehra!
Durrsakët kanë treguar ndër vite, që nuk e hanë sapunin për djathë!
Ky qytet ka histori, emocion, trashëgimni, vlera të pamatshme dhe të patjetërsueshme, ndaj nuk e di me çfarë kandari e ke peshuar?!
Për ata, që e duan dhe e jetojnë këtë qytet, Durrësi nuk ka vetëm vlerë parash dhe kullash!
Të mendosh që mburret si durrsak dhe që përfaqëson Durrësin në Parlament!!!
Shtëpia jote nuk ka çmim, me të as bëhet tregti dhe as shitet lirë!
Porti i Durrësit është i durrsakëve dhe i shqiptarëve!
O me portin në shtëpi, o larg Durrësit me gjithë qeveri!”- shkruan Care.
Akuzave për portin e Durrësit nga opozita i është bashkuar edhe deputeti demokrat, Dashnor Sula i cili u shpreh se duhet të ndalojnë në mënyrë që të shmangin një histori si e inceneratorëve. Duke marrë shkasë nga lëshimet e urdhër arresteve të sotme nga SPAK për inceneratorin e Fierit, Sula shprehet se edhe Porti i Durrësit është e njëjta gjë.
“Duhet të ndalojmë abuzimet në Portin e Durrësit që të mos përsëritet historia Inceneratorëve!
E mbani mend kryeministrin tonë rreth 8 muaj më parë. Siç duket edhe në foto, është kreu i qeverisë në Komisionin Hetimorë për Inceneratorët.
Sepse e dinte shumë mirë aferën që kishte miratuar, lëshonte të gjithë arsenalin e vet të llumit ndaj nesh, deputetët e opozitës por edhe ndaj çdo qytetari e media që e denonconte këtë aferë. Njësoj si 8 muaj më parë, edhe tani kreu i qeverisë shan e sulmon çdokënd që denoncon Projektin e Portit të Durrësit. Projektin që vetëm strategjik nuk është, por fal tokën më strategjike të Durrësit për të ndërtuar disa pallate disa persona që nuk dihen.
Jo vetëm që nuk zhvillohet turizmi, por shqiptarëve u merren edhe disa para për të ndërtuar portin tjetër në Porto Romano. Qartazi, kemi të bëjmë me një aferë të madhe.
Në lidhje me inceneratorët kemi një ministër dhe një deputet në burg, ndërsa sot u lëshuan edhe disa urdhër arreste të tjera. Akoma ska mbaruar… Por gjithsesi, dëmi ekonomik u bë në buxhetin shqiptar dhe sado të arrestuar të ketë, kjo nuk kthehet.
Nëse i shkohet deri në fund edhe aferë së projektit të Portit të Durrësit pas pak kohësh do kemi historinë që përsëritet. Me zyrtarë që arrestohen. Por ne nuk duhet ta lejojmë të ndodh sepse dëmi ekonomik dhe infrastrukturor nuk mund të kthehet te qytetarët e Durrësit.”- shkroi Sula.
Sekretari i Përgjithshëm i Partisë së Lirisë, Tedi Blushi vijon replikat në Twitter me kryeministrin Edi Rama për projektin e portit të Durrësit.
“Edi Rama siç po vjedh Portin e Durrësit me offshore që nuk u njihen pronarët, edhe Qeverinë offshore e ka, se edhe asaj nuk i njihen pronarët e vërtetë. Halabakët, oligarkët dhe inceneratorët i dimë, të tjerët presim të na i thotë!”- shkroi Blushi.
Kryetari i Grupi Parlamentar në Partinë Demokratike, Enkelejd Alibeaj i është përgjigjur kryeministrit Edi Rama për përplasjen për projektin e Portit të Durrësit.
‘Përrallat me transformime të mëdha dhe investitorë strategjikë janë të njëjtat me ato që u thotë shqiptarëve për inceneratorët. Për gati 9 vjet Edi Rama u ka ofruar qytetarëve pallavra për investime ndërsa u ka vjedhur atyre pasurinë publike. Ua ka vjedhur duke ua bërë dhuratë miqve dhe klientëve të tij. Projekti i portit të Durrësit është dështimi dhe grabitja e radhës së kësaj qeverie që veç largimit i duhet të japë llogari dhe për abuzimet pa fré me pasuritë e shqiptarëve.’- shkruan Alibeaj.
Deputetja e PD, Flutura Açka ka ironizuar projektin e Portit të Durrësit duke thënë se në Shqipëri do të vijë Dubai dhe përmend skandalin ‘Porta Potty’. Po ashtu e shoqëron me një poezi duke thënë se nuk do të sjellë integrim ndërsa Europa nuk e miraton si projekt. Ndërkohë, ashtu si kolegët thotë se qeveria po nxiton për t'i mbyllur në fshehtësi letrat për ndërtimin e projektit të portit të Durrësit.
“A ke qenë ndonjëherë në Dubai?, më pyeti një mike. Jo, i thashë, do vijë Dubai këtu. Pse nxiton kaq shumë qeveria për t’i mbyllur në fshehtësi të plotë letrat e votat e portit luksoz të jahteve, kur as Europa nuk e miraton si projekt. Kështu do të integrohemi në Europë?!
DurrësDubai - Porta Potty mbi antikitet
Kush do me e shky historinë?
Kush do me e zhba krenarinë?
Kush do me instalu shfrenimin?
Kush do me i flak shqiptarët?
Kush do me i vënë çallmë antikitetit?
E nxjerrtë si bërllok historia!” – shkroi Açka.
Kreu i qeverisë sërish ka reaguar për akuzat e opozitës për ndërtimin e portit të Durrësit. Rama i cilëson maskaragjozllëqe ato që thuhen nëpër media, për të cilat tha se u ka dhënë hapësire të paanë atyre që po e luftojnë projektin si djalli temjanin.
‘Numri i maskaragjozllëqeve që po thuhen për projektin madhor të Portit Turistik të Durrësit, si edhe hapësira e paanë mediatike në dispozicion të të paudhëve që po e luftojnë projektin si djalli temjanin, janë pasqyra e ligësisë që e ndjek këtë vend si mallkim qysh në vitin 1912!’- shkruan Rama.
Sekretari i përgjithshëm i Partisë së Lirisë, Tedi Blushi ka reaguar për Portin e Durrësit duke thënë se Rama kërkon t’i bëjë durrsakët për budallenj.
Sipas Blushit, kryeministri i vjedh portin dhe kërkon që t’i falenderojë.
“Rama u kërkon durrsakëve që ta falenderojnë që po jua vjedh Portin dhe do që t'i bëjë edhe për budallenj”, shkroi Blushi në Twitter.
Komente
Lajme të tjera
-
Qeveria: Në 1 janar 2025 do të ulim çmimin e energjisë elektrike për qytetarët
5 Nëntor, 14:33 -
Rama për 'Il Giornale’: BE po humbet peshën në skenën globale, por prodhon ende kufizime! Do marr frymë më lehtë kur të përfundojnë zgjedhjet në SHBA
5 Nëntor, 12:28 -
Rama: Ura e Madhe, shëmbëlltyrë e ambicies së qeverisë për Kukësin
5 Nëntor, 10:00 -
'Vorio Epiri është një term i vdekur' Qeveria greke: Mundet për Ramën të mos ekzistojë, por minoriteti është atje! Rruga e Shqipërisë në BE kalon nga Athina
5 Nëntor, 09:50 -
‘Për hajër ura e madhe e Kukësit’, Rama 'thumbon' dhe kritikët: Lutje për ata që thoshin u ndryshk, shani sa më shumë se na shtoni inatin për punë! (VIDEO)
4 Nëntor, 21:14 -
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Kryebashkiakja e Durrësit rrit pagën e saj dhe të bashkëpunëtorëve mbi 50 për qind! PD kundër: Diskriminuese
4 Nëntor, 15:54
-
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40
Durresit i duhet nje port i ri,por detajet marreveshjes jane te paqarta,jo te plota dhe nxitimi per t'a miratuar ne kuvend dhe nervozizmi i Rames, le vend per dyshime.S.d.q.duke njohur mendesine arabe dhe menyrat e taktikat qe perdorin ne biznes,mendoj qe duhen bere disa hetime dhe investigime jo vetem nga SPAKU,por dhe nga mediat.//Ndiqni parate!//-eshte shprehja klasike ne keto raste.Per mendimin tim duhet filluar me Greqine.Pse e them kete? Sepse konkurenca e shteteve te ndryshme per te fituar projekte te ketij niveli e permase,i ngjan garave per tendera nga kompanite e zakonshme.Duhet pare cfare ofroi Greqia,cfare ofroi Shqiperia,pse fituam ne dhe jo Greqia,etj.
PërgjigjuO Dash Sula! Te lutem mos fol se me dukesh si kukullat e teatrit per femije ne kohen e xhaxhit.
PërgjigjuShqipëria i mori Greqise TAP dhe po Ashtu 2 miliard € për portin e Durresit Kjo tregon që politika shqiptare po ecen mirë
PërgjigjuO qeni Arbëror mëso Shqip mor analfabet ku i ke gjet fjalët shkjaun , qetnik se kto fjal në fjalorin Shqiptar nuk ekzistojn. E emri çetnik shkruhet me Ç e jo me Q o derri kosovar. Pra me një fjal mëso Shwip o spiuni Sërbit. E Edi Ramës ti hash m*tin e ta kesh harëm o qen rugaç kosovar.
PërgjigjuPadisha vazhdo padisha vazhdo e mos u ndal se llumin e ke deri te qafa, do edhe pak qe te mbytesh fare ne llumin qe e ke fundosur token qe quhet shqiperi. Me impresionuese jane komentet e komentatoreve qe si duket e paskan ngrene sufllaqen heret mengjes sot nuk ja u ke lene per pas dreke.
PërgjigjuProjekti i Durresit do i jape akoma e me shume zhvillim vendit tone,po ku kuptojne keto ndyresirat e PD-se
PërgjigjuPorti I durresit nese eshte ashtu sic duket ne projekt do jet me te vertet nje inovacion per kete port aktual qe eshte... Jemi ne mjerim per arritjet konstruktive... Vend I zymte ndertesa te zymta! Porti I ri I Durresit I shfaqur ne projekt mrekulli! Pjesa e kostove edhe ligjshmerise I takojne organeve kopetente Jo komentuesve edhe militanteve. Le te shikojme koha I tregon te gjitha!
Projekti per portin e durresi do te jete madheshtor qente le te lehin karvani ecen perpara
PërgjigjuKur del ky me fol te ben me vjedh,eshte tu e henger qyl me hajdutin me te madh te shqiperise
Përgjigjuper mendimin tim eshte nje mundesi shume e mire pasi me kete port vendi yne do marre nje rendesi te madhe ne rajon
PërgjigjuShaje shkjaun fashist qetnik o plehër o tradhtar m*ti, mos shaj shqiptarët o tradhtar
PërgjigjuTe lumshin duart vella! E shikoj efektin e komenteve tuaja, kur dalin zvarranike ne forum dhe vetem te kritikojne, vetem se the te verteten per fashistin tradhetar edvin rama! Mos u tut nga bq-ret!
EC PERPARA EDI RAMA JE ME I MIRI.
PërgjigjuShkoni per debila u bet ju te shani ate ramen qe puno per te miren e vendit
PërgjigjuO me ato plehra jemi mesuar ne po jepi gaz e beje kte nend sic duhet
Përgjigju