Skandali me publikimin e pagave, eksperti i IT në Report Tv: Konferenca e Ramës qesharake! Krim shtetëror, frikë se çfarë mund të nxjerrin në vazhdim

I ftuar në Report tv për të folur rreth skandalit të publikimit të pagave dhe konferencën për shtyp të kryeministrit Edi Rama gjatë mesditës së sotme, ekspertin IT Besmir Semanaj tha se ajo ishte qesharake nga ana teknike dhe se ka frikë se ka akoma të dhëna të tjera që mund të publikohen në vazhdim.

Ai theksoi se janë pikërisht shërbimet e qeverisë që duhet të kujdesen për të dhënat personale të qytetarëve dhe se është krimi më i rëndë që ka bërë shteti.

“Është një nga konferenca e shtypit më qesharake që kam parë ndonjëherë nga ana teknike. Mund të eksportohet një sasi e pafundme e gjithë databazë, mund të eksportohet shumë thjeshtë. Rama tha që ky informacion ka dalë nga brenda, jam dakord. Informacioni ka dalë nga brenda. Janë shërbimet e qeverisë që kanë detyrë të mbrojnë të dhënat e qytetarëve. Kisha frikë gjatë kësaj ditë do të dilnin edhe gjëra të tjera, të dhëna të tjera dhe ia ku dolën. Më e keqja është se ne nuk e dimë se çfarë të dhënash të tjera kanë akoma ata. Nëse ky person, apo grupi i personave kanë akoma akses në këto të dhëna, mund të kemi dhe informacione edhe më të rënda. Megjithëse nuk e di a ka diçka më të rëndë se kjo.”

LEXO EDHE:
Durrës/ Brenda vitit hapet parkimi me energji të vetëprodhuar nga dielli, 400 vende! Godina do ketë zyra e hapësira për evente

I pyetur lidhur me mendimin e Ramës së karta ID është si targë ai tha se targa është diçka publike qe vendosen në makinë, ndërsa ID është privat.

“Ai tha se ID është si targa, por targa është publike dhe vendoset në makinë. Nuk di asnjë shtet në botë që i ka dalë databaza.  Unë kam ID tuaj tani, foton tuaj mund ta gjej kollaj fare edhe nga këto momente që po flasim tani. Në këtë mënyrë mund të krijoj një kartë ID. Mund të krijoj një llogari bankare, mund të kryej veprime. Nga kjo databaze është cenuar siguria kombëtare!”, shtoi eksperti.

Semanaj u shpreh se nëse sistemet janë të vjetra nuk do të gjendet kurrë krimineli siç e quajti.

“Në konferencën e kryeministri më bëri përshtypje diçka, që ma të besoja se ky krim nuk do të zbulohet asnjëherë.  Kryeministri tha nëse kontrolloret, auditorët, ata që punojnë tek tatimet kanë bërë eksport, kanë lënë loge dhe nëse loget janë aty, ky person kapet për tre ditë. Nëse sistemet janë të vjetra, atëherë ky hetim është i mbyllur, nuk do gjendet asnjëherë personi. Nëse ende ky krim nuk do të zbulohet nuk e di se çfarë ka ngelur nga qytetarët shqiptarë që të bëhet publike.”, tha ai.

Në fund ai dha një këshill për të gjithë qytetarët shqiptarë, duke thënë se duhet të tregohet më të kujdesshëm, ndaj të dhënave të tyre personale. Eksperti shtoi se shteti nuk e bëri detyrën e tij, por të gjithë ne duhet ta ndalim krimin, duke ndalur shpërndarjen e databazës.

 “Të dhënat dolën, nuk kemi çfarë bëjmë, do na ndjek të gjithë jetën. Është krim shtetëror dhe fatkeqësi e të dhënave, posedimi i këtyre të dhënave është krim. Publikimi i rrogave me emra që duken trend, është krim. Njerëzit që i kanë nuk duhet të shpërndajë. Nëse shteti nuk e bëri detyrën e tij, duhet ta bëjmë në.”, tha ai.

 

J.GJ.//Shqiptarja.com

TAG:
• edi rama
• Besmir Semanaj
• skandali i pagave