POP 5

Lajmet më të lexuara të 5 minutave të fundit

Politikë

Rama përmbylli mandatin e dytë qeverisës, Basha: Përralla për arritje imagjinare! Asgjë e mirë nuk mund të vijë nga një e keqe e vjetër! E kanë bërë Shqipërinë të pajetueshme

Mbledhja e fundit e kryeministrit Rama me kabinetin qeveritar, mori edhe vëmendjen e kreut të opozitës, Lulzim Bashës. Në një reagim në rrjetet sociale, Basha tha se shefi i qeverisë bëri një bilanc arritjesh imagjinare dhe se varfërimi i shqiptarëve, korrupsioni e lidhja me krimin janë rezultatet reale të qeverisjes ‘Rama 2’.

Rama përmbylli mandatin e dytë qeverisës, Basha: Përralla për arritje imagjinare! Asgjë e mirë nuk mund të vijë nga një e keqe e vjetër! E kanë bërë Shqipërinë të pajetueshme

'Përralla për arritje imagjinare' i ka cilësuar kreu i PD-së, Lulzim Basha, deklaratat e sot të kryeministrit Edi Rama, i cili vlerësoi me nota pozitive mbylljen e mandatit të dytë qeverisës.

Me një postim në Tëitter, Basha shkruan se Rama përsëriti vetëm 'mashtrimet e vjetra', ndërsa shton se korrupsioni ka kapur shtetin.

"Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në çdo qelizë të qeverisë varfëron dhe largon shqiptarët, të braktisur edhe në kohë pandemie me numrin më të lartë të vdekjeve në raport me popullsinë në Europë dhe paketat më të vogla ekonomike në kontinent, integrimi në të cilin mbahet peng nga dështimet e njëpasnjëshme. Ky është bilanci real i një regjimi që masakron zgjedhjet vetëm për të vjedhur familjet shqiptare", shkruan Basha.

Teksa e cilëson PS si një "e keqe e vjetër", Basha thotë se nga ata nuk mund të vijë asgjë e mirë dhe se sipas tij e kanë bërë Shqipërinë të pajetueshme.

"Autorët e tij duhet të ishin përpara drejtësisë për atë që u kanë bërë Shqipërisë dhe shqiptarëve në këto 8 vite, jo duke përrallosur për arritje imagjinare. PD është e angazhuar për të sjellë ato zgjidhje që masakra e 25 prillit u mohoi qytetarëve, sepse asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë", thotë Basha.

Në një mbledhje me ministrat, Rama vlerësoi punën e bërë në menaxhimin e dy krizave më të mëdha me të cilat u përball qeveria gjatë këtij mandati, pandeminë dhe tërmetin. Po ashtu vlerësoi punën në infrastrukturë, bujqësi dhe shërbimet ndaj qytetarëve, por shtoi se mbetet ende shumë për t'u bërë për ta "ngjitur Shqipërinë në majë".

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 25/08/2021 16:52

    O Lul ruaj Saliun mos na bie e na thyen qafen.

    Përgjigju
  • dulja: 25/08/2021 14:02

    bjeri klarinetes o lulushe e kemi pare dhe pd me pler se keta ka hudhehequre

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ 'Speciali' Jose Mourinho, mbledh ekipin kundërshtar dhe iu mban fjalimin motivues në fushë

VIDEO/ 'Speciali' Jose Mourinho, mbledh ekipin kundërshtar dhe iu mban fjalimin motivues në fushë

10 Janar, 10:00