Rama: PS e vetmja zgjidhje dhe zgjedhje për vendin! Po erdhi PD, çelësat e reformës në drejtësi do jenë në dorë të Saliut dhe Ilirit (VIDEO)

Kryeministri Edi Rama nga Korça tha se PS është e vetmja zgjidhje dhe zgjedhje për votuesit pasi do të çojë deri në fund edhe reformën në drejtësi, ndërsa po erdhi PD në pushtet çelësat e drejtësisë do të bien në dorë të Sali Berishës dhe Ilir Metas, që ashtu siç i cilësoi Edi Rama janë dy njerëzit që kanë luftuar më fort kundër kësaj reforme.

"Vota në drejtim tjetër përveçse në drejtim të PS është votë për ti kthyer të gjitha mbrapsht. E para gjë që do të goditet me votën e shqiptarëve është drejtësia. Sepse çelësat do ti jepen në dore 2 -personazheve që janë 2 figurat kyçe në luftën kundër reformimit të drejtësisë Saliut dhe Ilirit. Natyrisht këtu në skenë këta të dy janë jo kaq pararojë sepse kanë vënë përpara Lulin atje për të bërë këto dasma rrugës bashkë me Monikën që i mban litarin te fyti. Ne nuk jemi për t'u pirë në kupë, por jemi zgjidhja dhe zgjedhja e vetme, jo e keqja më e vogël, por zgjidhja dhe zgjedhja për t'i shkuar deri në fund përpjekjes për të bërë Shqipërinë vendin e të ardhmes tonë dhe fëmijët tanë ta kenë Shqipërinë zgjedhje të parë", tha Rama.

Lajmi kryesor:

Korçë, Rama: Do ndërtojmë resortin e parë të skive! Basha s'i hyn në punë as dreqit, po erdhi në pushtet çelësat e drejtësisë do jenë në dorë të Saliut e Ilirit

/b.ha./Shqiptarja.com

TAG:
• edi rama
• PS
• Korce
• fushata elektorale
• zgjedhjet parlamentare 2021