POP 5

Lajmet më të lexuara të 5 minutave të fundit

Ekonomi

Rama: Të ulet TVSH për imputet
bujqësore, dhe akciza e naftes

Kryetari i Partisë Socialiste thotë se pr/ligji për krijimin e kooperativave bujqësore në Kuvend është një nismë ku janë kopjuar elementë të rëndësishëm të programit socialist, për zhvillimin rural “Rilindja shqiptare”.
Rama: Të ulet TVSH për imputet<br />bujqësore, dhe akciza e naftes
TIRANE- Kryetari i Partisë Socialiste thotë se pr/ligji për krijimin e kooperativave bujqësore në Kuvend është një nismë ku janë kopjuar elementë të rëndësishëm të programit socialist, për zhvillimin rural “Rilindja shqiptare”.

“Pas 7 vitesh në rrugën qorre, qeveria ka kopjuar elementin e rëndësishëm për zhvillimin rural të programit tonë Rilindja Shqiptare dhe sjell në Kuvend nismën. Një nismë e dobët për mënyrën si është konceptuar dhe larg standardedeve të BE-së”- tha Rama duke pranuar se “është një hap shumë i vogël në drejtimin e duhur”.

Rama ftoi deputetët të votojnë në parim pro kësaj nisme dhe shtoi se socialistët do të propojnë uljen e tvsh për imputet bujqësore dhe uljen e akcizës së naftës.

Fshatarët sot janë në kushtet e mbijetesës, dhe për këtë grupi PS do i propozojë parlamentit tvsh zero për plehrat kimike, tvsh zero për makineritë bujqësore, dhe uljen e tvsh ne 10 % për farërat që përdoren në bujqësi.”- deklaroi kryetari i PS-së në mbledhjen e grupit parlamentar që u zhvillua sot në mesditë në selinë rozë.

Projektligji, që i hap rrugën lejimit të krijimit të kooperativave bujqësore në vend mbërriti në kuvend javën e kaluar dhe do i nënshtrohet shqyrtim të komisioneve parlamentare
PR/LIGJI
Përfaqësuesit e ministrisë së Bujqësisë, Ushqimit dhe Mbrojtjes së Konsumatorit argumentuan para anëtarëve të komisionit të Veprimtative Prodhuese të Kuvendit se projektligji nxit krijimin e shoqërive bujqësore, pasi vetëm në këtë mënyrë fermerët do të përfitonin subvencione shtetërore, fonde nga Bashkimi Evropian apo dhe lehtësi fiskale, që nuk i marrin dot individualisht.
Po ashtu, projektligji parashikon edhe rregullimin e të ardhmes së prodhuesve, duke ofruar një treg më të sigurt për prodhimet e tyre. Buxheti i shtetit nuk ka parashikuar asnjë fond për të financuar krijimin e shoqërive bujqësore. Përfaqësuesit e ministrisë u shprehën se krijimi i kooperativave është vullnetar dhe në projektligj nuk përfshihet asnjë financim. Por, sipas deputetit Eduard Shalsi, për sa kohë nuk ka financim nga buxheti i shtetit, atëherë ligji nuk pritet të ketë asnjë efekt.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Wall Street Journal: Pse Shqipëria duhet të jetë destinacioni i radhës për udhëtarët e zgjuar

Wall Street Journal: Pse Shqipëria duhet të jetë destinacioni i radhës për udhëtarët e zgjuar

24 Nëntor, 20:33