Rama takon Papa Françeskun: Ruan dashuri të posaçme për Shqipërinë dhe vlerëson solidaritetin e saj njerëzor

Kryeministri Edi Rama ka ndarë pak nga biseda që ai ka zhvilluar me Papa Fraçeskun në Vatikan. Rama shkruan se Papa ka vlerësuar rolin e Shqipërisë jo vetëm si model i solidariteti njerëzor por edhe si faktor paqe në rajon.

“Papa Françesku flet për Shqipërinë dhe shqiptarët me një dashuri të posaçme, ruan të freskët kujtimin e vizitës së tij të parë jashtë Vatikanit në Shqipëri, shpreh mirënjohje për rolin e Shqipërisë si faktor paqeje në rajon, po edhe si një vend e një popull model solidariteti njerëzor, qysh me shpëtimin e hebrenjve e deri në ditët tona me mikpritjen për refugjatët afganë dhe përcjell bekimet e tij për të gjithë shqiptarët”, shkruan Rama.

Gjithashtu mësohet se Papa ka përshëndetur bashkëpunimin mes Selisë së Shenjtë dhe Qeverisë Shqiptare, për krijimin e destinacionit të pelegrinazhit me përmendoren e me tempullin kushtuar Shenjtores Shqiptare, Nënë Tereza, në Tiranë.

 


Lajmi kryesor:

30 vite marrëdhënie diplomatike me Selinë e Shenjtë, ndërtohet faltore për Shën Terezën në Tiranë! Rama takim me Papën: Vlerësoi rolin e Shqipërisë si faktor paqe në rajon dhe solidaritetin njerëzor


  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

Fitoi zgjedhjet për kreun e PD, Berisha në ‘delir’: Ndodhi mrekullia e shekullit të 21